દુર્ઘટના / ભારે કરી! એમ્બ્યુલન્સને જ અકસ્માત નડ્યો, 3 લોકોના કરૂણ મોત, દર્દીનો આબાદ બચાવ

રાજકોટ-ચોટીલા હાઈવે ફરી એક વખત લોકોની ચીચીયારીઓથી ગુંજી ઉઠ્યો હતો. ટ્રક પાછળ એમ્બ્યુલન્સ ઘૂસી જતા ગમખ્વાર અકસ્માત સર્જાયો હતો. દુર્ઘટનામાં એમ્બ્યુલન્સમાં સવાર 3 લોકોનાં મોત થયા હતા. જ્યારે એક વ્યક્તિનો બચાવ થયો હતો. 

અકસ્માતમાં દર્દી સાથે રહેલા ત્રણ વ્યક્તિઓનાં મોત નિપજ્યા
મળતી માહિતી મુજબ રાજકોટ-ચોટીલા હાઈવે પર સવારનાં સુમારે ચોટીલા તરફથી આવી રહેલ એમ્બ્યુલન્સમાં દર્દીને સારવાર માટે લાવવામાં આવતો હતો. જે દરમ્યાન અચાનક જ આગળ જઈ રહેલ ટ્રકની પાછળ એમ્બ્યુલન્સ ઘૂસી જવા પામી હતી. આ ગમખ્વાર અકસ્માતમાં દર્દી સાથે રહેલા ત્રણ વ્યક્તિઓનાં મોત નિપજ્યા હતા. જ્યારે દર્દીનો બચાવ થવા પામ્યો હતો. અકસ્માતમાં બે મહિલા સહિત એક પુરૂષનું મોત નિપજતા પરિવારજનોમાં ગમગીની છવાઈ જવા પામી હતી. 

 

વધુ વાંચોઃ એપ્રિલ હવે આકરો લાગશે! વધશે તાપમાન, હિટવેવની સાથે-સાથે ગુજરાતમાં જળસંકટના પણ એંધાણ

અકસ્માતમાં મૃત્યું પામેલ લોકોના નામઃ
વિજય બાવળિયા
પાયલ મકવાણા
ગીતા મિયાત્રા

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો