મોટો ખુલાસો / અમેરિકાની બ્રિજ દુર્ઘટનામાં સામે આવ્યું ભારત કનેકશન, માલવાહક જહાજમાં સવાર હતા 22 ભારતીય ક્રૂ મેમ્બર

બાલ્ટીમોરના કી બ્રિજ પર ક્રેશ થયેલા કન્ટેનર જહાજમાં સવાર તમામ 22 ક્રૂ સભ્યો ભારતીય હતા. ચાર્ટર મેનેજમેન્ટ યુનિટ સિનર્જી મરીન ગ્રૂપે આ માહિતી આપી છે. પ્રાપ્ત માહિતી અનુસાર, દુર્ઘટનાનો ભોગ બનેલા બે પાયલોટ સહિત તમામ ક્રૂ મેમ્બરને શોધી લેવામાં આવ્યા છે. દરેક વ્યક્તિ સુરક્ષિત છે, અકસ્માતમાં કોઈને ઈજા થઈ હોવાના અહેવાલ નથી. જો કે, સમાચાર એ છે કે અકસ્માત સમયે સ્થળ પર હાજર અન્ય સાત લોકો ગુમ છે, જેમની શોધ ચાલી રહી છે.

નોંધનીય છે કે જ્યારે એક કન્ટેનર જહાજ બ્રિજ સાથે અથડાયું હતું અને બાલ્ટીમોરનો ફ્રાન્સિસ સ્કોટ કી બ્રિજ તુટી પડ્યો હતો , જેના કારણે કારો  નદીમાં પડી હતી. રેસ્ક્યુ ઓપરેશનમાં અત્યાર સુધીમાં બે લોકોને બચાવી લેવાયા છે, જ્યારે મોટા વિસ્તારમાં સર્ચ ઓપરેશન ચાલી રહ્યું છે. અકસ્માત બાદ અન્ય સાત લોકો ગુમ થયાના સમાચાર પણ છે.

આ પણ વાંચોઃ VIDEO: USના બાલ્ટીમોરમાં શિપ અથડાતા બ્રિજ ધડામ દઇને તૂટી પડ્યો, અનેક ગાડીઓ પાણીમાં ગરકાવ

સામૂહિક જાનહાનિની ​​ઘટના

આ દુર્ઘટના વિશે માહિતી આપતા, બાલ્ટીમોર સિટી ફાયર વિભાગે તેને 'સામૂહિક જાનહાનિની ​​ઘટના' ગણાવી છે. મીડિયા રિપોર્ટ્સનું માનીએ તો અકસ્માતને કારણે ઘણા વાહનો નીચે પટાપ્સકો નદીમાં પડી ગયા છે. તમને જણાવી દઈએ કે ચાર લેનનો સ્ટીલ બ્રિજ જે તૂટી પડ્યો હતો તે બાલ્ટીમોર બંદર તરફ જાય છે અને પટાપ્સકો નદીને પાર કરે છે. કાર શિપમેન્ટ માટે તે સૌથી વ્યસ્ત યુએસ પોર્ટ છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો