આવતીકાલે 20 માછીમારો પાકિસ્તાન જેલ મુક્ત કરવામાં આવનાર છે જેને લઈને માછીમારોના પરિવારમાં ખુશી જોવા મળી રહી છે.
Share
માછીમાર પરિવાર માટે ખુશીના સમાચાર
આવતીકાલે 20 માછીમારો થશે મુક્ત
માછીમારો પાક જેલમાંથી મુક્ત થશે
ગુજરાતના માછીમાર પરિવારો માટે ખુશીના સમાચાર આવ્યા, દરિયામા માછીમારી કરવા જતા માછીમારોને કેટલાક વાર સરહદી દેશ પાકિસ્તાન દ્વારા અપહરણ કરી લેવામાં આવતું હોય છે, ક્યારે માછીમારો જાણતા અજાણતા સરહદી સીમાઓને પાર માછીમારી કરવા જતા રહેતા હોય છે, તેવામાં પાક મરિન દ્વારા માછીમારોની ધરપકડ કરી તેને હંમેશ માટે પાકિસ્તાન જેલોમાં બંધ કરી દેતા હોય છે, પરતું હવે માછીમારોને પાકિસ્તાન જેલ મુક્ત કરવામાં આવનાર છે જેને લઈને માછીમારોના પરિવારમાં ખુશી જોવા મળી રહી છે.
આવતીકાલે 20 માછીમારો થશે મુક્ત
આવતી કાલે પાક જેલમાંથી 20 જેટલા માછીમારોને મુક્ત કરવામાં આવનાર છે, જેઓ લાંબા સમયથી પાક જેલમાં હતા ભારતીય સીમામાંથી આ માછીમારોનું પાકિસ્તાન દ્વારા અપહરણ કરવામાં આવ્યું હતું પરતું નવા વર્ષે પાકિસ્તાન જેલમાં બંધ 20 માછીમારોને મુક્ત કરવાનો નિર્ણય લેવામાં આવતા હવે તેઓ પોતાના વતન પરત પહોંચશે, આ માછીમારો 14 નવેમ્બરે વાઘા બોર્ડર પર પહોંચશે તેમના સ્વાગત માટે પણ ખાસ તૈયારીઓ કરવામાં આવી છે. લાંબા સમય બાદ પરિવારના સભ્યો ઘરે પરત ફરવાના છે જેને લઈને માછીમારોના પરિવારોમાં ખુશી જોવા મળી રહી છે.
માછીમારો પાક જેલમાંથી મુક્ત થશે
પાકિસ્તાન મરીન્સે ગુજરાતના દ્વારકામાં દરિયામાં ભારતીય સિમામાં માછીમારી કરી રહેલા માછીમાર પર ફાયરિંગ કર્યું હતું, બોટ પર ગોળીાર કરતા બોટમાં સવાર માછીમારો ઈજાગ્રસ્ત થયા હતા આ સિવાય પણ પાકિસ્તાન દ્વારા અન્ય 6 જેટલા માછીમારોનું અપહરણ કર્યું હતું. જેને લઈને ગુજરાતમાં પાકિસ્તાન મરિન જવાનો સામે ફરિયાદ નોંધાવામાં આવી હતી. જો કે એક તરફ પાકિસ્તાન દ્વારા ભારતી જળ સીમામાં માછીમારી કરતા માછીમારોનું અપહરણ કરવાનો સિલસિલો ચાલું છે ત્યારે બીજી તરફ હવે 20 જેટલા માછીમારોને મુક્ત કરવામાં આવી રહ્યા છે. આમ પાકિસ્તાનની બેવડી નીતિ જોવા મળી રહી છે.
