BIG NEWS / '15થી 20 શખ્સો દારૂગોળા-હથિયાર સાથે અમદાવાદ આવ્યા', નનામી કોલથી બાતમી મળતા જ પોલીસ બેડામાં ખળભળાટ, 1ની ધરપકડ

• અમદાવાદ શહેર પોલીસ કંટ્રોલરૂમને મળેલી બાતમીથી ખળભળાટ
• 15થી 20 શખ્સો દારૂગોળા અને હથિયાર સાથે આવવાના  હોવાની માહિતી
• મધ્યપ્રદેશથી હથિયાર લઈને શખ્સો આવતા હોવાની આપી  માહિતી
• ઘટનાને પગલે અમરાઈવાડી પોલીસે એક વ્યક્તિની કરી ધરપકડ

 અમદાવાદ શહેર પોલીસ કંટ્રેલ રૂમને મળેલી બાતમીથી ખળભળાટ મચી જવા પામ્યો છે. જેમાં શહેર કંટ્રોલ રૂમને નનામા કોલથી બાતમી મળી હતી. તે 15 થી 20 જેટલા શખ્શો દારૂગોળો તેમજ હથિયાર લઈને આવવાનાં હોવાની બાતમી આપી હતી. તેમજ સાથે સાથે જણાવ્યું હતું કે મધ્યપ્રદેશથી હથિયાર લઈને શખ્શો આવતા હોવાની પણ બાતમી આપી હતી. અને ગીતા મંદિર, કાલુપુર રેલ્વે સ્ટેશન પર ફાયરિંગ કરવાનાં હોવાનો ઉલ્લેખ પણ કર્યો હતો. ત્યારે આ ઘટનાને પગલે અમરાઈવાડી પોલીસે એક વ્યક્તિની ધરપકડ કરી તેની પૂછપરછ હાથ ધરી છે.

ક્રાઈમ બ્રાન્ચ દ્વારા રથયાત્રાનાં રૂટ પર ડ્રોનથી નિરીક્ષણ કરાશે
20 જૂનનાં રોજ યોજાનારી 145 મી રથયાત્રાને લઈને પણ પોલીસ દ્વારા જડબેસલાક બંદોબસ્ત ગોઠવવામાં આવ્યો છે. ત્યારે આ વખતે પોલીસ દ્વારા રથયાત્રામાં હાઈટેક સિસ્ટમનો ઉપયોગ કર્યો છે.  અમદાવાદ ક્રાઈમ બ્રાન્ચ દ્વારા રથયાત્રાનાં રૂટ પર ડ્રોનથી નિરીક્ષણ કરવામાં આવશે. જેમાં ખાસ સંવેદનશીલ વિસ્તારોમાં ડ્રોનની મદદથી સર્વેલન્સ કરવામાં આવશે. ત્યારે પ્રથમ વખત રથયાત્રામાં ટેલિગ્રામ સિસ્ટમનો ઉપયોગ કરવામાં આવ્યો છે.