ચિંતા / 'ગાઝાથી લોકોને બહાર કાઢવા મુશ્કેલ' ઈઝરાયલ હમાસ જંગ પર વિદેશ મંત્રાલયનું મોટું નિવેદન, જાણો ઓપરેશન અજયની લેટેસ્ટ અપડેટ

• વિકરાળ બની રહ્યું છે ઈઝરાયેલ-હમાસ યુદ્ધ
• 1200 ભારતીય નાગરિકોને ઇઝરાયેલમાંથી હેમખેમ ઉગારી લેવાયા
• વિદેશ મંત્રાલયના પ્રવક્તા અરિંદમ બાગચીનું નિવેદન

ઈઝરાયેલ અને પેલેસ્ટિનિયન ઉગ્રવાદી સંગઠન હમાસનું યુદ્ધ વિકરાળ બની રહ્યું છે. આ દરમિયાન વિદેશ મંત્રાલયના જણાવાયા અનુસાર અત્યાર સુધીમાં એટલે કે 19 ઓક્ટોબર સુધીમાં લગભગ 1200 ભારતીય નાગરિકોને ઇઝરાયેલમાંથી હેમખેમ ઉગારી બહાર લવાયા છે. જેમાં 18 નેપાળી લોકોનો પણ સમાવેશ થાય છે. વિદેશ મંત્રાલયના પ્રવક્તા અરિંદમ બાગચીના જણાવાયા અનુસાર ઓપરેશન અજય હેઠળ 5 ફ્લાઈટ્સ થકી 1200 ભારતીયોને વતન પરત લવાયા છે અને હજુ પણ વધુ ફ્લાઈટ્સ મોકલવાની દિશામાં કાર્યવાહી ચાલી રહી છે. જે ભારત પરત ફરવા માંગે છે તેઓને પરત લવાશે.

We have expressed concern over civilian casualties, humanitarian situation: #ArindamBagchi, MEA on #IsraelHamasConflict pic.twitter.com/z7f5LH6LRd

— Firstpost (@firstpost) October 19, 2023

એક ભારતીયના ઘાયલ થવાના સમાચાર
મંત્રાલયના પ્રવક્તા અરિંદમ બાગચીએ કહ્યું કે અગાઉ ગાઝામાં લગભગ 4 લોકો હતા, જોકે આ નક્કર આંકડા નથી.વધુમાં પશ્ચિમ કાંઠે 12-13 લોકો હતા અને ગાઝામાંથી બહાર નીકળવું કપરું છે. હાલ માત્ર એક ભારતીયના ઘાયલ થવાના સમાચાર છે. જોકે મોત મામલે કોઇ પુષ્ટિ નથી.

"1200 Indians have come back in five flights under Operation Ajay, including 18 Nepali nationals..."- MEA spokesperson #ArindamBagchi on Operation Ajay pic.twitter.com/AjfL37r3j0

— TIMES NOW (@TimesNow) October 19, 2023

પ્રચંડ વિસ્ફોટમાં 471 લોકોના મોત
અરિંદમ બાગચીએ વધુમાં કહ્યું કે તમે કમેન્ટ અને વડાપ્રધાન નરેન્દ્ર મોદીના ટ્વીટ પણ જોયા હશે. જેમાં ઇઝરાયેલ પરના હુમલાને વખોડવામાં આવ્યો છે. વધુમાં આ મુદ્દો ઉકેલવા બને રાષ્ટ્રને પ્રત્યેક્ષ વાતચીતની દિશામાં ઝુકાવ આપ્યો છે. મહત્વનું છે કે ગાઝાની અલ-અહલી બેપ્ટિસ્ટ હોસ્પિટલ પર મંગળવારે (17 ઓક્ટોબર) હુમલો થયો હતો. એજન્સીના જણાવાયા અનુસાર પ્રચંડ વિસ્ફોટમાં 471 લોકોના મોત તથા 300 થી વધુ લોકોને ઈજા થવાનું કહ્યું હતું. જોકે આ હુમલો ઈઝરાયેલે ન કર્યો હોવાનું જણાવાયુ છે.