Health Tips / ચોમાસાની ઋતુમાં દહીંનું સેવન આમંત્રિત કરે છે અઢળક બીમારીને, જાણો શું છે તેની પાછળનું કારણ

• દહીં શરીરમાં કેલ્શિયમની જરૂરિયાતને પૂરી કરે છે
• ચોમાસાની ઋતુમાં ફક્ત દહીં જ નહીં પણ કોઈ ડેરી પ્રોડક્ટ ન ખાવી જોઈએ
• વરસાદની ઋતુ પહેલા જ પાચન તંત્ર કમજોર થઇ જાય છે

દહીંને સ્વાસ્થ્ય માટે ઘણું સારું માનવામાં આવે છે. દહીં શરીરમાં કેલ્શિયમની જરૂરિયાતને પૂરી કરે છે. એવું કહેવામાં આવે છે કે જે લોકોને દૂધ નથી પચતું તેને દહીં ખાવું જોઈએ. એક્સપર્ટનું કહેવું છે કે લોકોએ તેના ડાઈટમાં દહીંનો સમાવેશ જરૂરથી કરવો જોઈએ પણ આયુર્વેદના એક્સપર્ટ એમ નથી કહી રહ્યા. આયુર્વેદના એક્સપર્ટ કહે છે વરસાદમાં દહીં ખાવાથી સ્વાસ્થ્ય બગડે છે. વરસાદની સિજનમાં દહીં કેવી રીતે શરીરને નુકશાન પંહોચાડે છે ચાલો જાણીએ. 

બેક્ટેરિયાનો ડર 
આયુર્વેદની માનીએ તો વરસાદી મહિનામાં ફક્ત દહીં જ નહીં પણ કોઈ ડેરી પ્રોડક્ટ ન ખાવી જોઈએ. કારણ કે વરસાદી ઋતુમાં બેક્ટેરિયા વધુ થાય છે. એવામાં દહીં ખાવાથી ઇન્ફેકશનનો ડર વધી જાય છે. એટલા માટે જ ચોમાસામાં ડેરી પ્રોડક્ટ્સ ઓછી ખાવી જોઈએ. 

પચવામાં સમય લગાવતા ખોરાક 
આયુર્વેદનું માનીએ તો ચોમાસાની ઋતુમાં ફક્ત દહીં જ નહીં પણ પચવામાં સમય લગાવતા ખોરાક પણ ન ખાવા જોઈએ. વરસાદની ઋતુ પહેલા જ પાચન તંત્ર કમજોર થઇ જાય છે. એવામાં દહીંનું સેવન કરવાથી તેને પચાવવામાં સમસ્યા પેદા થાય છે. 

જોઈન્ટ પેઈનની સમસ્યા 
જે લોકોને સાંધાના દુખાવા રહે છે કે આર્થરાઈટીસની પરેશાની રહે છે એમને ચોમાસાની ઋતુમાં દહીંનું સેવન ન કરવું જોઈએ. દહીંની તાસીર ઠંડી હોય છે જેને કારણે સમસ્યામાં વધારો થઇ શકે છે. 

કફથી જોડાયેલ સમસ્યા 
દહીંની તાસીર ઠંડી હોવાને કારણે ચોમાસાની ઋતુમાં દહીં કફથી જોડાયેલ સમસ્યા ઉત્પન્ન કરી શકે છે. દહીંના સેવનથી ઉધરસ, કફ અને શરદી જેવી બીમારીની ઝપેટમાં અવી શકો છો.