- ભારતે તેની આગામી મેચ અફઘાનિસ્તાન સામે 11 ઓક્ટોબરે રમશે
- શુભમન ગિલ અફઘાનિસ્તાન સામેની મેચમાં રમી શકશે કે નહીં?
- BCCIએ સત્તાવાર માહિતી આપતા જણાવી અપડેટ
ભારતીય ટીમનો સ્ટાર ઓપનર શુભમન ગિલ ઓસ્ટ્રેલિયા સામેની મેચ પહેલા ડેન્ગ્યુ થયો હતો. આ કારણે તે 8 ઓક્ટોબરે વર્લ્ડ કપ 2023ની પોતાની પ્રથમ મેચમાં રમી શક્યો નહોતો. આ પછી સવાલો ઉઠી રહ્યા છે કે શુભમન 11 ઓક્ટોબરે અફઘાનિસ્તાન સામેની ટીમ ઈન્ડિયાની બીજી મેચમાં રમી શકશે કે નહીં?
શુભમન ગિલ અફઘાનિસ્તાન સામેની મેચમાં રમી શકશે કે નહીં?
ચેન્નાઈ પહોંચતા જ ગિલને ખૂબ તાવ આવ્યો હતો અને ત્યારબાદ તેમને ડેન્ગ્યુ હોવાની પુષ્ટિ થઈ હતી. એ બાદ પ્રથમ મેચમાં શુભમનની જગ્યાએ ઈશાન કિશનને જગ્યા મળી હતી અને તે ખાતું ખોલાવ્યા વગર પહેલા જ બોલ પર આઉટ થઈ ગયો હતો. આવી સ્થિતિમાં ટીમને ઇન-ફોર્મ શુભમનની સખત જરૂર છે. આ અંગે એક નવું અને મોટું અપડેટ સામે આવ્યું છે. હવે બીસીસીઆઈએ તેના સંબંધમાં મહત્વપૂર્ણ અપડેટ આપતા કહ્યું છે કે ગિલ અફઘાનિસ્તાન સામેની આગામી મેચ નહીં રમી શકે.
11મી ઓક્ટોબરે રમનાર બીજી મેચમાં પણ નહીં જોવા મળે ગિલ
BCCIએ સત્તાવાર માહિતી આપતા જણાવ્યું કે ટીમ ઈન્ડિયાનો બેટર શુભમન ગિલ 9મી ઑક્ટોબર 2023ના રોજ ટીમ સાથે દિલ્હી જશે નહીં. ઑસ્ટ્રેલિયા સામે ચેન્નાઈમાં ICC મેન્સ ક્રિકેટ વર્લ્ડ કપ 2023માં ટીમનો પહેલો મેચ ચૂકી ગયેલો ઓપનિંગ બૅટર 11મી ઓક્ટોબરે દિલ્હીમાં રમનારી અફઘાનિસ્તાન સામેની આગામી મેચમાં પણ નહીં રમે.
ચેન્નાઈમાં જ મેડિકલ ટીમની દેખરેખમાં રહેશે ગિલ
ભારતે તેની આગામી મેચ અફઘાનિસ્તાન સામે 11 ઓક્ટોબરે દિલ્હીમાં રમવાની છે. આવી સ્થિતિમાં ચાહકોના મનમાં એક પ્રશ્ન હતો કે તે આ મેચમાં રમશે કે નહીં, પરંતુ હવે બીસીસીઆઈએ પરિસ્થિતિને સંપૂર્ણ રીતે સ્પષ્ટ કરી દીધી છે. દિલ્હીમાં અફઘાનિસ્તાન સામેની આગામી મેચમાં શુભમન રમશે નહીં અને ચેન્નાઈમાં જ મેડિકલ ટીમની દેખરેખમાં રહેશે.
14મી ઓક્ટોબરે છે ભારત- પાકિસ્તાન વચ્ચે મેચ
ભારત અને પાકિસ્તાન વચ્ચે 14 ઓક્ટોબરે અમદાવાદમાં મેચ રમાવાની છે. આ મેચ નરેન્દ્ર મોદી સ્ટેડિયમમાં રમાશે. હવે પ્રશ્ન એ રહ્યો કે આ મેચ શુભમન ગિલ રમશે કે નહીં? નોંધનીય છે કે ભારતે વર્લ્ડ કપમાં પોતાની પ્રથમ મેચમાં ઓસ્ટ્રેલિયાને 6 વિકેટે હરાવ્યું હતું. હવે ભારતીય ટીમ 11 ઓક્ટોબરે દિલ્હીમાં અફઘાનિસ્તાન સામે રમવાની છે.
