મધ્યપ્રદેશ / VIDEO: શિવરાજ સિંહ ચૌહાણ થયા ભાવુક, ગળે લાગીને ધ્રુસકે-ધ્રુસકે રડી મહિલાઓ, કહ્યું- ભૈયા અમે તમને વોટ આપ્યો હતો...

• મધ્યપ્રદેશમાં શિવરાજ સિંહની જગ્યા પર મોહન યાદવની CM તરીકે પસંદગી 
• રાજકીય ઉથલપાથલ વચ્ચે શિવરાજ સિંહનો એક ભાવુક વીડિયો સામે આવ્યો 
• શિવરાજ સિંહની બે 'લાડલી બહેનો' એમને પકડીને જોર-જોરથી રડવા લાગી 

મધ્યપ્રદેશમાં લગભગ 17 વર્ષ સુધી સત્તા સંભાળનાર શિવરાજ સિંહની જગ્યા પર આ વખતે મધ્યપ્રદેશના મુખ્યમંત્રી તરીકે મોહન યાદવની પસંદગી કરવામાં આવી છે. આ તમામ રાજકીય ઉથલપાથલ વચ્ચે વિદાય લેતા મુખ્યમંત્રી શિવરાજનો એક ખૂબ જ ભાવુક વીડિયો સામે આવ્યો છે. 

MPમાં શિવરાજ સિંહ ચૌહાણને મળીને ભાવુક થઈ મહિલાઓ, કહ્યું અમે તમને વોટ આપ્યો હતો ભૈયા...

Video Source: Shivraj Singh Chouhan's office#madhyapradesh #ShivrajSinghChouhan #vtvgujarati pic.twitter.com/V2xF70jDL5

— VTV Gujarati News and Beyond (@VtvGujarati) December 12, 2023

આ વાયરલ થયેલ વિડીયોમાં જોવા મળ્યું કે શિવરાજ સિંહની બે 'લાડલી બહેનો' એમને પકડીને જોર-જોરથી રડવા લાગે છે અને આ જોઈને શિવરાજ સિંહ ચૌહાણ પોતે પણ ભાવુક થઈ જાય છે. આ બાદ શિવરાજે એમને ચૂપ કરાવ્યા અને કહ્યું કે, 'હું તમને છોડીને ક્યાંય નથી જઈ રહ્યો.' 

નોંધનીય છે કે મધ્યપ્રદેશના પૂર્વ મુખ્યમંત્રી શિવરાજ સિંહ ચૌહાણે પણ રાજ્યના નવા મુખ્યમંત્રી મોહન યાદવને ઘણી શુભકામનાઓ આપી છે. આ સાથે તેમણે આશા વ્યક્ત કરી છે કે મોહન યાદવના નેતૃત્વમાં રાજ્ય પ્રગતિ અને વિકાસની નવી ઊંચાઈઓ પર પહોંચશે. શિવરાજ સિંહ ચૌહાણે કહ્યું, "મારા મનમાં સંતોષની લાગણી છે."

#WATCH | Bhopal: Former Madhya Pradesh Chief Minister and senior BJP leader Shivraj Singh Chouhan meets women supporters.

(Source: Shivraj Singh Chouhan's office) pic.twitter.com/oWlHYUYlpJ

— ANI (@ANI) December 12, 2023

નોંધનીય છે કે શિવરાજ સિંહ ચૌહાણ દ્વારા શરૂ કરવામાં આવેલી 'લાડલી બહેનયોજના'નું આ વખતે વિધાનસભા ચૂંટણીમાં મધ્યપ્રદેશની જીતમાં મહત્વપૂર્ણ યોગદાન માનવામાં આવી રહ્યું છે, જેમાં દર મહિને મહિલાઓના ખાતામાં 1250 રૂપિયા પહોંચી રહ્યા છે. શિવરાજ સિંહ ચૌહાણ મધ્યપ્રદેશમાં 'મામા' તરીકે પણ ઓળખાય છે. રાજ્યની તમામ મહિલાઓ સાથે 'ભાઈ-બહેનનો સંબંધ' સ્થાપિત કરવામાં તેઓ સફળ રહ્યા છે. આજે આ 'મામા' અને તેમની 'લાડલી બહેનો' પાસેથી મુખ્યમંત્રી તરીકે વિદાય લેતા સમયે ભાવુક થઈ ગયા હતા.