આદેશનો વિરોધ / કોરોનામાં મદદ કરનાર ગુજરાતી મૂળના યુવકનો લંડનમાં કેમ વિરોધ? દેશનિકાલના આદેશ બાદ લાખો લોકોનું સમર્થન

• લંડનની સરકારે વિમલ પંડ્યા નામના યુવકને દેશનિકાલ માટે કર્યો આદેશ
• સરકારના આદેશનો 1.77 લાખ લોકોએ સહી કરીને સરકારના આદેશનો વિરોધ કર્યો 
• કોર્ટમાં કેસ હારી જતા લંડનની સરકારે વિમલ પંડ્યાને દેશ છોડવા જણાવ્યું હતું
• કોરોનાકાળમાં સારી કામગીરીને કારણે રાણી એલિઝાબેથે વિમલ પંડ્યાનું કર્યું હતું સન્માન

લંડનમાં ગુજરાતી મૂળના યુવકના દેશનિકાલની સ્થિતિ વચ્ચે લાખો લોકોએ વિરોધ કર્યો છે. વાત જાણે એમ છે કે, 2011માં ભારતીય યુવક વિમલ પંડ્યાએ લંડનની કોલેજમાં એમફિલમાં પ્રવેશ મેળવ્યો હતો, જોકે કોલેજ દ્વારા 2014માં વિમલની પ્રવેશ માન્યતા રદ્દ કરાઇ હતી. જે બાદમાં તેને કોર્ટ સુધી લડત આપી હતી. જે બાદમાં કોર્ટમાં પરાજય બાદ વિમલ પંડ્યાને દેશનિકાલની સ્થિતિ બનતા હવે 1.77 લાખ લોકોએ આ નિર્ણયનો વિરોધ કર્યો છે.

મૂળ ગુજરાતના વિમલ પંડ્યા નામના યુવકના સમર્થનના લાખો લોકો આવ્યા છે. આ ઘટનાની વિગતો જોઈએ તો વર્ષ 2011માં મૂળ ગુજરાતના વિમલ પંડ્યાએ લંડનની એક કોલેજમાં પ્રવેશ મેળવ્યો હતો. જોકે કોઈ કારણસર 2014ના કોલેજ દ્વારા વિમલ પંડ્યાની પ્રવેશ માન્યતા રદ્દ કરવામાં આવી હતી. આ સાથે કોલેજ કે ગૃહ મંત્રાલયે તેને આ જાણકારી પણ આપી નહોતી. જેથી યુવક કોર્ટમાં જતાં શિક્ષણની સાથે સાથે અન્ય ખર્ચની સાથે હજારો પાઉન્ડનો ખર્ચ પણ થયો હતો. 

Neil,you have gone above & beyond to help me & I am proud to have an MP like https://t.co/cXWlLgNZI6 lead from the front in an incredible way and I strongly believe you will continue serving Southwark as a Labour MP for many more years to come. A big thank you.🙏♥️ @letvimalstay https://t.co/d7W3oDYkd7

— Vimal pandya (@Vimalpa95866836) January 15, 2023

કોર્ટમાં હારી જતાં દેશનિકાલની ફરજ 
આ દરમિયાન લંડનની કોર્ટમાં વિમલ પંડ્યાનો પરાજય થતાં તેને દેશનિકાલની ફરજ પડી હતી. જે બાદમાં હવે તેને સમર્થનમાં લાખો લોકો આવ્યા છે. વિગતો મુજબ કોર્ટમાં પરાજય બાદ વિમલને ભારત પરત ફરવાનું ફરમાન કરતાં દક્ષિણ-પૂર્વ લંડનની રોધરવિધિ સમુદાયે વિમલનું સમર્થન કર્યું છે. આ સાથે 1.77 લાખ લોકોએ હસ્તાક્ષર કરી ગુજરાતના આ યુવાનને લંડનમાં રહેવા દેવાની પરવાનગી આપવા રજૂઆત કરી છે. 

કોરોના મહામારીમાં કર્યું હતું સરાહનિય કામ 
મહત્વનું છે કે,લંડનમાં કોરોના મહામારી દરમ્યાન આ યુવક વિમલ પંડ્યાએ લોકોને બહુ મદદ કરી હતી. સ્થાનિક દુકાનદાર તરીકે તેને સેવાકીય કાર્યો કરીને સ્થાનિક લોકોને દિલ જીતી લીધા હતા. આટલું જ નહીં પણ તેની નિ:શુલ્ક રાશન આપવાના સેવાકીય કાર્યની નોંધ લઈ સરકારે પણ તેનું સન્માન કર્યું હતું. જેમાં રાણી એલિઝાબેથ દ્વારા વિમલ પંડ્યાનું સન્માન કરવામાં આવ્યું હતું.