બેટરી જાતે બદલો / કેમ ફરીથી આવી રહ્યો છે ફોનની બેટરી ગમે ત્યારે બદલવાનો નિયમ, જાણો લોકોને કઈ રીતે થશે ફાયદો

• EU દ્વારા સ્માર્ટફોન બેટરી માટે નવા નિયમો લાગુ કરવા માટે દબાણ 
• જો નવો નિયમ લાગુ થશે તો યુઝર્સ ફોનની બેટરી જાતે બદલી શકશે
• હાલમાં ફોનની બેટરી ખરાબ થાય તો સ્માર્ટફોન બદલવો પડે છે

સ્માર્ટફોન આવવાથી આપણી લાઈફ સરળ બની છે. પણ ફોન જૂનો થવાના કારણે સમસ્યા આવતી રહે છે. આજના જમાનામાં નાના બાળકોથી લઈને વૃદ્ધો સુધી સૌ કોઈ મોબાઈલનો ઉપયોગ કરી રહ્યા છે. ત્યારે તમને યાદ હશે કે એક સમયે તમે સ્માર્ટફોનમાં બેટરી બદલી શકતા હતા. પરંતુ સ્માર્ટફોન બ્રાન્ડે ફિક્સ્ડ બેટરી આપવાનું શરૂ કર્યું. જો કે હવે ફરીથી સ્માર્ટફોનમાં બેટરી કાઢી શકાશે અને બદલી શકાશે. કારણ કે યુરોપિયન યુનિયન એટલે કે EU દ્વારા સ્માર્ટફોન બેટરી માટે નવા નિયમો લાગુ કરવા માટે દબાણ કરવામાં આવી રહ્યું છે. જો નવો નિયમ લાગુ થશે તો યુઝર્સ ફોનની બેટરી જાતે બદલી શકશે. યુરોપિયન યુનિયનનું કહેવું છે કે દૂર ન કરી શકાય તેવી બેટરીના કારણે ઈલેક્ટ્રોનિક કચરો વધી રહ્યો છે. હાલમાં ફોનની બેટરી ખરાબ થાય તો તેના પગલે સ્માર્ટફોન બદલવો પડે છે. પરંતુ જો ફોનની બેટરી બદલવાની રીત સરળ બની જશે તો સ્માર્ટફોનની લાઈફ વધી જશે.

ફાયદા

જો સ્માર્ટફોનમાં બેટરી બદલવાની સુવિધા હોય તો લોકો ઓનલાઈન બેટરી ખરીદી શકશે અને બદલી શકશે.
તેનાથી ગ્રાહકોને ઘણો ફાયદો થશે. સાથે જ સ્થાનિક સેવા કેન્દ્રને પણ ફાયદો થવાની આશા છે.
સ્માર્ટફોનની જૂની બેટરીને બદલવાથી સ્માર્ટફોનમાં નવો જીવ આવી શકે છે. આની મદદથી તમે તમારા સ્માર્ટફોનનો લાંબા સમય સુધી ઉપયોગ કરી શકો છો.
આખા ફોનને બદલવા માટે મોટી રકમ ખર્ચવાને બદલે તમે ખાલી નવી બેટરી ખરીદી શકો છો, જે તમારો મોટો ખર્ચ બચાવી શકે છે.

ગેર ફાયદા

રિમૂવેબલ બેટરીના કારણે સ્માર્ટફોનની ડિઝાઈનમાં ફેરફાર થઈ શકે છે. એટલે કે ફોનને સ્લિમ રાખવામાં આવશે નહીં.
દૂર કરી શકાય તેવી બેટરી રાખવાથી ફોનને વોટરપ્રૂફ બનાવવો મુશ્કેલ બનશે.
બેટરી દૂર કરવાથી સ્માર્ટફોનની બેટરી ક્ષમતા પર અસર પડી શકે છે.
આ સ્માર્ટફોનમાં એક્સ્ટ્રા લેયર સિક્યોરિટી આપે છે.