પાણી વગર જીવન શક્ય નથી એટલે ઋતુચક્રમાંથી જો ચોમાસાને બાદ કરી નાંખીએ તો પછી કેવી સ્થિતિ થાય તેની કલ્પના કરવી રહી. સામાન્ય સંજોગોમાં 15 થી 20 જૂન આસપાસ ગુજરાતમાં દસ્તક દેતું ચોમાસુ ગુજરાત ઉપર મોટેભાગે પોતાની મહેર વરસાવે છે.. છેલ્લા કેટલાક વર્ષોમાં શહેરીકરણ વધવાની સાથે આડઅસર એ થઈ કે વિકાસના દ્રશ્યો તો સુંદર દેખાવા લાગ્યા પરંતુ વરસાદની મહેર દર વર્ષે લોકોની પરેશાની વધારતી ગઈ.
રાજ્યના મહાનગર અને અન્ય મોટા શહેરમાં હવે સ્થિતિ એવી છે કે સામાન્ય વરસાદ થાય અને પાણી ભરાય જાય. પાણી ભરાય પછી તેનો લાંબા સમય સુધી નિકાલ ન થાય, વરસાદની સિઝનમાં કે વરસાદ પહેલા પણ શહેરમાં ભૂવા પડી જાય, બ્રિજમાં તિરાડો પડી જાય, આ બધી મુશ્કેલી સરવાળે લોકોને જ ભોગવવાની આવે. વિવિધ શહેરમાં સ્થાનિક સત્તાધીશો ચોમાસા પહેલા એસી ચેમ્બરમાં બેસીને આગોતરા આયોજન તો કરે છે પણ આ આગોતરા આયોજન મોટેભાગે તેની ચેમ્બરથી બહાર આવતા નથી. સાદુ ઉદાહરણ આપીએ તો અંડરબ્રિજમાં દર વર્ષે પાણી ભરાય છે જેને પગલે અંડરબ્રિજ બંધ થઈ જાય છે પણ અંડરબ્રિજ બંધ થાય તો કોન્ટ્રાક્ટરને પેનલ્ટી થશે કે કેમ તેનો જવાબ સત્તાધીશો પાસે હોતો જ નથી. વરસાદી મહેર જો સ્થાનિકો માટે કહેર બનતી હોય તો તેનાથી વધારે કમનસીબી શું હોય શકે, અને તેનું નિવારણ શું?
- વરસાદની મહેરથી રાહત, તંત્રની અવ્યવસ્થાથી પરેશાની
- મોટા શહેરોમાં વરસાદ બાદ પરેશાની પણ અપાર
- દર વર્ષે મહાનગરોમાં પ્રિ-મોન્સૂન પ્લાન અંગે વ્યાપક ચર્ચા
વરસાદની મહેરથી રાહત, તંત્રની અવ્યવસ્થાથી પરેશાની છે. મોટા શહેરોમાં વરસાદ બાદ પરેશાની પણ અપાર છે. દર વર્ષે મહાનગરોમાં પ્રિ-મોન્સૂન પ્લાન અંગે વ્યાપક ચર્ચાઓ થાય છે. કાગળ ઉપર પ્લાન સારો લાગે છે પણ વાસ્તવિકતા અલગ હોય છે. પ્રિ-મોન્સૂન કામગીરી ચોમાસાના આગમન છતા પણ ચાલુ રહે છે. દર વર્ષે શહેરોમાં રસ્તા ધોવાઈ જવાની, ભૂવા પડવાની સમસ્યા રહે છે. સોસાયટીઓમાં પાણી ભરાવાની સમસ્યા પણ યથાવત રહે છે.
- રાજ્યમાં સાર્વત્રિક વરસાદ, મોટા શહેરમાં પરેશાની
- અમદાવાદ, વડોદરા, સુરતમાં ઠેર-ઠેર પાણી ભરાવાની સમસ્યા
- વરસાદ બંધ થયાના કલાકો પછી પણ પાણી નથી ઓસરતા
વરસાદની મહેર, શહેર માટે સંકટ!
રાજ્યમાં સાર્વત્રિક વરસાદ, મોટા શહેરમાં પરેશાની છે. અમદાવાદ, વડોદરા, સુરતમાં ઠેર-ઠેર પાણી ભરાવાની સમસ્યા છે. વરસાદ બંધ થયાના કલાકો પછી પણ પાણી ઓસરતા નથી. કેટલાક વિસ્તારમાં પાણીના નિકાલની વ્યવસ્થા પણ નથી. વરસાદ થોડો હોય કે વધુ પાણી ભરાવાની સમસ્યાનો ઉકેલ નહીં. સોસાયટી, બજારો પાણીમાં ગરકાવ હોય તેવી સ્થિતિ છે. ચોમાસા પહેલાના આગોતરા આયોજનનો કોઈ ફાયદો નહીં. આગોતરા આયોજનમાં કચાશે કે બીજુ કોઈ કારણ તેનો કોઈ જવાબ નહીં.
અમદાવાદના ક્યા વિસ્તારમાં પરેશાની?
| સરસપુર |
| બાપુનગર |
| નવા નિકોલ |
| નિકોલ |
| નરોડા પાટીયા |
| સરદારનગર |
| ભાટ ગામ |
| કુબેરનગર |
| મકરબા રોડ |
વડોદરામાં ક્યા વિસ્તારમાં પરેશાની?
| SSG હોસ્પિટલ |
| જેલ રોડ |
| ઈન્દિરાનગર |
| લહેરીપુરા |
| અલકાપુરી |
સુરતના ક્યા વિસ્તારમાં પાણી ભરાયા?
| પરવત પાટીયા |
| ગોડાદરા |
| પલસાણા |
| સણિયા હેમાદ |
| કડોદરા |
વરસાદ પછીની મુશ્કેલી કેમ ટાળવી?
અમદાવાદ
- નવા નિકોલમાં પાણીના નિકાલની વ્યવસ્થા જ નથી
- પાણી ઓસરે પછી જ તંત્ર તપાસ કરવા આવે છે
- સરસપુરમાં પાણી ભરાતા વ્યાપક પરેશાની
વડોદરા
- લહેરીપુરામાં વરસાદી પાણીમાં એમ્બ્યુલન્સ ફસાઈ
- અન્ય એમ્બ્યુલન્સ બોલાવીને દર્દીને લઈ જવાયો
સુરત
- કડોદરા GIDC વિસ્તારમાં ડ્રેનેજ લાઈન ઉભરાઈ
- કેમિકલયુક્ત પાણી સર્વિસ રોડ ઉપર ફરી વળ્યા
- સુરતમાં ખાડીના પાણી રહેણાંક વિસ્તારમાં આવ્યા
