Welcome 2022 / આખરે 1 જાન્યુઆરીએ કેમ ઉજવવામાં આવે છે નવું વર્ષ, જાણો શું છે ઈતિહાસ

• નવા વર્ષની તૈયારીઓ પૂરજોશમાં ચાલી રહી છે 
• માર્ચનું નામ મંગળ ગ્રહ પરથી રાખવામાં આવ્યું છે 
• પહેલા લોકો માર્ચે કે ડિસેમ્બરે નવું વર્ષ ઉજવતા હતા.

નવા વર્ષની તૈયારીઓ પૂરજોશમાં ચાલી રહી છે, 

આપણે સૌ 1 જાન્યુઆરી, 2022ની રાહ જોઈ રહ્યા છે. ઘણા લોકો જૂની યાદોને છોડીને નવા વર્ષમાં નવી શરૂઆત કરવા માંગે છે. ત્યારે તમને જાણીને નવાઈ લાગશે કે પહેલા નવું વર્ષ 1લી જાન્યુઆરીએ ઉજવવામાં આવતું ન હતું. 1 જાન્યુઆરીના રોજ નવા વર્ષની ઉજવણીની શરૂઆત 15 ઓક્ટોબર 1582ના રોજ થઈ હતી. પહેલા લોકો 25મી માર્ચે અને ક્યારેક 25મી ડિસેમ્બરે નવું વર્ષ ઉજવતા હતા. રોમના રાજા નુમા પોમ્પિલસે રોમન કેલેન્ડર બદલ્યું, ત્યારબાદ જાન્યુઆરી વર્ષનો પહેલો મહિનો ગણવામાં આવ્યો. અગાઉ માર્ચ મહિનો વર્ષનો પહેલો મહિનો કહેવાતો હતો. આવો જાણીએ શું છે તેની પાછળની કહાની...

માર્ચનું નામ મંગળ ગ્રહ પરથી રાખવામાં આવ્યું છે. 

રોમમાં લોકો મંગળને યુદ્ધનો દેવ માને છે. જ્યાં સૌથી પ્રથમ કેલેન્ડર બનાવવામાં આવ્યું હતું તેમાં માત્ર 10 મહિના હતા. આ કિસ્સામાં, એક વર્ષમાં 310 દિવસ હતા અને 8 દિવસને અઠવાડિયા તરીકે ગણવામાં આવે છે.એવું કહેવાય છે કે રોમન શાસક જુલિયસ સીઝરે કેલેન્ડર બદલ્યું હતું. તે સીઝર હતો જેણે 1 જાન્યુઆરીએ નવા વર્ષની શરૂઆત કરી હતી. જુલિયસે કેલેન્ડર બદલ્યા પછી, વર્ષમાં 12 મહિના કરવામાં આવ્યાં હતાં. જુલિયસ સીઝરની મુલાકાત ખગોળશાસ્ત્રીઓ સાથે થઈ હતી, જેના પછી જાણવા મળ્યું હતું કે પૃથ્વી 365 દિવસ અને છ કલાકમાં સૂર્યની આસપાસ ફરે છે. તેને જોતા જુલિયન કેલેન્ડરમાં વર્ષ ઘટાડીને 365 દિવસ કરવામાં આવ્યું હતું. પોપ ગ્રેગરીએ 1582માં જુલિયન કેલેન્ડરમાં લીપ વર્ષ વિશેની ભૂલ શોધી કાઢી હતી.  તે સમયના પ્રખ્યાત ધર્મગુરુ સંત બીડએ કહ્યું હતું કે વર્ષમાં 365 દિવસ, 5 કલાક અને 46 સેકન્ડ હોય છે. આ પછી રોમન કેલેન્ડર બદલીને નવું કેલેન્ડર બનાવવામાં આવ્યું. ત્યારથી, નવું વર્ષ 1 જાન્યુઆરીએ ઉજવવામાં આવે છે.