નવરાત્રીએ જુગાર / ગઢડામાં ગરબે રમવા નહીં પત્તે રમવા બેઠી સ્ત્રીઓ, પુરુષો સાથે રમતાં પડી રેડ, હવે બન્યું જોરદાર

• બોટાદના ગઢડાના મકાનમાં જુગાર રમતા ઝડપાયા 11 લોકો
• 11માં 3 સારા ઘરની મહિલાઓ નીકળી 
• પોલીસ રેડ પાડીને 10 લાખનો મુદ્દામાલે કબજે કર્યો 

નવરાત્રીમાં બોટાદના ગઢડામાં ગેરકાયદેસર જુગાર રમતાં લોકો ઝડપાયા છે. મંગળવારે પોલીસને જુગાર રમાઈ રહ્યો હોવાની બાતમી મળી હતી જે પછી પોલીસની ટીમે ગઢડા રોડ પરના રાધે કૃષ્ણ એપાર્ટમેન્ટમાં દરોડા પાડ્યાં હતા. પોલીસે જ્યારે દરોડા પાડ્યાં ત્યારે ત્યાં કુલ 11 લોકો સામસામા બેસીને જુગાર રમી રહ્યાં હતા. પોલીસને જોઈને બધા સંતાવા લાગ્યા હતા કેટલાક ભાગવા લાગ્યા હતા પરંતુ પોલીસે રસ્તો બ્લોક કરી રાખ્યો હોવાથી તેઓ ભાગી ન શકયા અને પોલીસને હાથે ઝડપાઈ ગયા. 

પોલીસને દરોડામાં શું શું મળ્યું 
પોલીસે ટોટલ 8 જુગારીઓની ધરપકડ કરી છે જેમાં 3 હાઈ પ્રોફાઈલ ઘરની મહિલાઓ પણ છે. પોલીસે 30 હજાર રોકડા, 7 મોબાઈલ,1 કાર, 2 બાઈક મળી કુલ રૂા. 10.13 લાખનો મુદામાલ જપ્ત કર્યો છે. તથા તમામ જુગારીઓ સામે જુગારધારા ની કલમ હેઠળ કેસ દાખલ કરીને વધુ તપાસ શરુ કરી છે. તપાસમાં કંઈક નવું સામે આવી શકે છે. ઘણા સમયથી અહીં જુગારધામ ચાલી રહ્યું હોવાનો પણ પોલીસને શક છે. 

કોણ છે જુગાર રમતા ઝડપાયેલી 3 મહિલાઓ
રાધે કૃષ્ણ એપાર્ટમેન્ટમાં જુગાર રમતાં ઝડપાયેલી 3 મહિલાઓ હાઈ પ્રોફાઈલ ઘરની હોવાનું કહેવાય છે. પોલીસે જ્યારે દરોડા પાડ્યાં ત્યારે તે બિંદાસ્ત રીતે 5 પુરુષો સાથે તાસ ખેલી રહી હતી. પોલીસને જોતા તે ડરી ગઈ હતી પરંતુ આખરે ઝડપાઈ ગઈ હતી. પોલીસે હાલમાં આ બધાને લોકઅપમાં પૂરી દીધા છે.