દહેગામના લીહોડા ગામે ઝેરી દારૂ પીતા 2ના મૃત્યુ થયા છે. લઠ્ઠાકાંડમાં 9 લોકોની તબિયત લથડી છે ત્યારે ગાંધીના ગુજરાતમાં હવે તો સરકારે દારૂબંધીમાં નરમાશ પણ વર્તી લીધી છે. ગાંધીનગર ગિફ્ટસિટીમાં દારૂને છૂટ આપી છે પણ દારૂબંધીની બાંગ ફુંકનારા રાજ્યમાં છાશવારે આવા લઠ્ઠાકાંડ કેવી રીતે બની જાય છે.
2022માં બોટાદ જિલ્લાના બરવાળામાં લઠ્ઠાકાંડમાં 42 ના મોત
રાજ્યમાં છેલ્લા 10 વર્ષની વાત કરીએ તો સૌથી નજીકમાં બનેલો ખેડાનો સિરપકાંડ પણ નશાનો જ વેપલો હતો. જેમાં કેમિકલનાં વધુ પ્રમાણમાં કરાયેલ ઉપયોગનાં કારણે એક જ ગામના 7 લોકોના મૃત્યુ થયા હતા. આ સિરપકાંડનું નેટવર્ક ખેડા આણંદ,વડોદરા અને મુંબઇ સુધી ફેલાયેલું હતું. આ ઘટનામાં બોટાદના બરવાળામાંથી ઝડપાયેલાં કેમિકલકાંડમાં 41 લોકોના મૃત્યુ થયા હતા અને 117 લોકોને તેની અસર થઇ હતી. વર્ષ 2016 સુરતના કડોદરામાં 19ના મૃત્યુ થયા હતા. જ્યારે વર્ષ 2009માં અમદાવાદમાં થયેલા લઠ્ઠાકાંડમાં દોઢસોથી વધુના મૃત્યુ થયા હતા અને 200થી વધુ લોકોને અસર થઇ હતી. જિલ્લામાં પણ કેમિકલથી બનતા દારૂ અને દેશી લઠ્ઠાને કારણે મૃત્યુની ઘટનાઓ બનેલી છે.
જુલાઈ 2022, બોટાદ જિલ્લાના બરવાળા માં લઠ્ઠાકાંડ માં 42 લોકો મોતને ભેટ્યા હતા
બરવાળા લઠ્ઠાકાંડ બાદ પોલીસની દેખાવરૂપી કામગીરી સામે આવી રહી છે. ત્યારે જુલાઈ 20222 માં બોટાદ જીલ્લાનાં બરવાળામાં લઠ્ઠાકાંડમાં 42 લોકોનાં મોત નિપજ્યા હતા. જે બાદ રાજ્યભરમાં પોલીસે દારૂનાં અડ્ડાઓ પર દરોડો પાડ્યા હતા. જેમાં પોલીસે રાજ્યભરમાંથી 2600 વ્યક્તિની અટકાયત કરી હતી. તેમજ પોલીસે રૂા. 1.5 કરોડનો દારૂ પકડ્યો હતો. રાજ્યભરમાં આઈએમએમએલનાં 198 કેસ પોલીસે કર્યા હતા. જ્યારે 191 દારૂનાં વ્યવસાય સાથે સંકળાયેલા લોકોની ધરપકડ કરી હતી. તેમજ દેશી દારૂ વેચવાનાં 3971 કેસ કર્યા હતા. જે ગુનામાં 2405 લોકોની ધરપકડ કરી હતી. રાજ્ય પોલીસ વડાએ છ પોલીસ અધિકારીઓને સસ્પેન્ડ કર્યા હતા. જ્યારે ત્રણ પોલીસ ફરિયાદ દાખલ થઈ હતી. તેમજ 20 વ્યક્તિઓ સામે આઈપીસી 302 હેઠળ અને ષડયંત્ર હેઠળ ફરિયાદ નોંધાઈ હતી. FSL નાં રિપોર્ટ મુજબ દારૂમાં 99 ટકા મીથાઈલ હતું.
