- WABetaInfoએ આ ફીચર સ્પોટ કર્યું.
- જ વ્હોટ્સએપ નંબર ચાર અલગ અલગ ફોનમાં યૂઝ કરી શકશો.
- વ્હોટ્સએપનું આ ફીચર કમ્પેનિયન મોડથી જોવા મળશે.
સમગ્ર વિશ્વમાં વ્હોટ્સએપનો સૌથી વધુ ઉપયોગ કરવામાં આવે છે. વ્હોટ્સએપના એક ફીચરનો લોકો ઘણા સમયથી રાહ જોઈ રહ્યા હતા. અહીંયા મલ્ટીપલ ડિવાઈસ સપોર્ટ અને કમ્પેનિયન મોડની વાત કરવામાં આવી રહી છે. વ્હોટ્સએપ એકાઉન્ટને ચાર સ્માર્ટફોનમાં યૂઝ કરી શકાય છે. મેટા CEO (Meta CEO) માર્ક ઝુકરબર્ગે આ ફીચરનું એલાન કર્યું છે. ફેસબુક અને ઈન્સ્ટાગ્રામ પર આ ફીચરની જાણકારી આપવામાં આવી છે.
વ્હોટ્સએપનું નવું ફીચર
માર્ક ઝુકરબર્ગ જણાવે છે કે, ‘આજથી તમે એક વ્હોટ્સએપ એકાઉન્ટ ચાર ફોનમાં લોગિન કરી શકો છે. વ્હોટ્સએપ યૂઝર્સ ટૂંક સમયમાં આ ફીચરનો ઉપયોગ કરી શકશે. થોડા દિવસ પહેલા આ ફીચર વ્હોટ્સએપ બીટા (Whatsapp BETA) યૂઝર્સ માટે રિલીઝ કરવામાં આવ્યું હતું.’
આ નવી અપડેટની મદદથી યૂઝર્સ તમામ ડિવાઈસમાં મેસેજ અને ચેટ સિંક કરી શકશે. જેનો અર્થ છે કે, વ્હોટ્સએપ યૂઝર્સ પોતાનું એકાઉન્ટ એક્સેસ કરવા માટે પ્રાઈમરી ડિવાઈસને સાથે રાખવાની જરૂર નથી. આ ફીચર એન્ડ ટૂ એન્ડ એન્ક્રિપ્શન સાથે આવે છે. આ ફીચર વર્ષ 2021થી વ્હોટ્સએપ બીટા પર ટેસ્ટ કરવામાં આવી રહ્યું હતું. થોડા દિવસ પહેલા જ કંપનીએ આ ફીચર તમામ બીટા યૂઝર્સ માટે રિલીઝ કર્યું છે.
આ ફીચર કેવી રીતે કામ કરશે?
- આ ફીચર યૂઝ કરવા માટે સૌથી પહેલા સેકન્ડરી ફોનમાં વ્હોટ્સએપ ઈન્સ્ટોલ કરવાનું રહેશે.
- વ્હોટ્સએપ ઓપન કરવાથી હેમબર્ગર મેન્યૂ પર ક્લિક કરો, જ્યાં Link to Existing ઓપ્શન હશે.
- આ ઓપ્શન પર ક્લિક કરતા એક QR Code આવશે. હવે પ્રાઈમરી ફોનમાં વ્હોટ્સએપ ઓપન કરો અને લિંક ડિવાઈસ ઓપ્શન પર ક્લિક કરો.
- સેકન્ડરી ફોન પર દેખાતા QR Code ને પ્રાઈમરી ફોનમાં સ્કેન કરો. આ પ્રકારે બંને ફોનમાં એક જ વ્હોટ્સએપ એકાઉન્ટ યૂઝ કરી શકાશે.
Disclaimer: અહીં આપેલી માહિતી માત્ર પ્રાપ્ત થયેલ માહિતી પર આધારિત છે. આથી અત્રે અહીં ઉલ્લેખ કરવો જરૂરી છે કે VTV ગુજરાતી આવી કોઈ પણ પ્રકારની માહિતીની પુષ્ટિ કરતું નથી.
