- કોહલીના ખરાબ પ્રદશનને કારણે ઘણી વખત હારનો સામનો કરવો પડ્યો
- કપિલ દેવે પણ કહી હતી મોટી વાત
- અમે વિરાટ કોહલીની સાથે છીએ - રોહિત શર્મા
ઈંગ્લેન્ડની સામે ત્રીજી ટી20 મેચમાં ટીમ ઈન્ડિયાને 17 રનથી હારનો સામનો કરવો પડ્યો હતો. જો કે ટીમ ઈન્ડિયાએ ત્રણ મેચની આ સિરિજને 2-1 ના અંકોથી તેના નામે કરી લીધી છે અને ઈંગ્લેન્ડ સામે જીત મેળવી છે પણ કિંગ કોહલીના ખરાબ પ્રદશનને કારણે લોકો ગુસ્સે ભરાય છે અને હાલ દરેક લોકોનો નિશાનો કોહલી પર છે. કોહલીના ખરાબ પ્રદશનને કારણે ઘણી વખત હારનો સામનો કરવો પડ્યો છે પણ ટીમ ઈન્ડિયાના કેપ્ટન રોહિત શર્માએ તેમનો બચાવ કર્યો છે.
ઘણા સમયથી સારા રન બનાવી શક્યા નથી
વિરાટ કોહલી તેમના જુસ્સા માટે જાણીતા છે પણ હાલ ઘણા સમયથી સારા રન બનાવી શક્યા નથી. અને આ વખતે પણ વિરાટ કોહલી એક પણ મેચમાં સારા રન બનાવવામાં નિષ્ફળ ગયા છે. વિરાટને ટી20માં સારું પ્રદશન કરવાનો મોકો મળ્યો હતો પણ તેઓ ફેલ રહ્યા અને બીજી ટી20 મેચમાં ફક્ત એક રન બનાવીને આઉટ થઈ ગયા હતા.
લોકોએ ઉઠાવ્યા સવાલ
જો કે વિરાટે છેલ્લા ત્રણ વર્ષમાં એક પણ ઇન્ટરનેશનલ સદી મારી નથી અને હવે વિરાટ ઘણા સમયથી કોઈ મોટો સ્કોર પણ કરી શક્યા નથી. જેથી લોકો હવે પ્લેઈંગ 11 ની સાથે સાથે ટેસ્ટ મેચ અને ટી20 મેચમાં પણ વિરાટ કોહલીની જગ્યાને લઈને સવાલ ઉઠાવવા લાગ્યા છે. ત્યાં સુધી કે કપિલદેવે પણ કોહલીની જગ્યા પર સવાલ ઉઠાવ્યો હતો.
કપિલ દેવે પણ કહી હતી મોટી વાત
કપિલે એક ન્યુઝ સાથેની વાતચીતમાં કહ્યું, જો તમે ટેસ્ટના બીજા સર્વશ્રેષ્ઠ બોલર અશ્વિનને ટીમમાંથી બહાર કરી શકતા હોય તો વિશ્વનો નંબર વન ખેલાડી પણ બહાર થઇ શકે છે. હું ઈચ્છુ છુ કે કોહલી રન બનાવે, પરંતુ અત્યારે વિરાટ કોહલી એવી રીતે રમતા નથી કે જેને આપણે ઓળખીએ છીએ. વિરાટ કોહલીએ પોતાની સિદ્ધીના આધારે નામ બનાવ્યું છે અને જો તે પ્રદર્શન નહીં કરે તો નવા ખેલાડીઓને તમે બહાર રાખી શકશો નહીં.
.jpg)
રોહિતે કર્યો બચાવ
કોહલીનો જગ્યા પર લઈને ઉઠતાં સવાલો વચ્ચે રોહિત શર્માએ કોહલીનો સાથ આપતા કહી દીધું કે,' અમે વિરાટ કોહલીની સાથે છીએ. કોહલી 10 વર્ષ સુધી લગાતાર ટીમને જીત અપાવતા રહ્યા છે અને લોકોના દિલ જીતતા રહ્યા છે. એક બે મેચમાં કોઈનું પર્ફોમન્સ ખરાબ હોય શકે છે પણ અમને એમની ક્વોલિટી પર ઘણો ભરોસો છે. બહાર શું ચાલે છે એમનાથી અમને કોઈ ફરક નથી પડતો પણ અમને ખબર છે કે અંદર શું ચાલે છે. એક ખેલાડીની કવોલિટી મહત્વની છે.'
