કોરોના સંકટ / ન પેકેજ, ન કોઇ પ્લાન, લોકડાઉન-3 ને લઇને સોનિયા ગાંધીએ કેન્દ્ર સરકાર પર સાધ્યું નિશાન

Divyesh

Last Updated: 12:54 PM, 6 May 2020

FOLLOW ON

શેર કરો

કોંગ્રેસના કાર્યકારી અધ્યક્ષા સોનિયા ગાંધીએ કોંગ્રેસ શાસિત રાજ્યોના મુખ્યમંત્રીઓ સાથે બેઠક કરી છે. આ બેઠકમાં પૂર્વ પ્રધાનમંત્રી ડૉ. મનમોહનસિંહ અને પૂર્વ પાર્ટી અધ્યક્ષ રાહુલ ગાંધી સહિત દિગ્ગજ નેતાઓ ઉપસ્થિત રહ્યાં છે. આ દરમિયાન સોનિયા ગાંધીએ મોદી સરકાર પર નિશાન સાધ્યું છે.

કોંગ્રેસ શાસિત રાજ્યોના મુખ્યમંત્રીઓ સાથે સોનિયા ગાંધીની બેઠક
કોરોના સંકટ અને લોકડાઉન પર મોદી સરકારને ઘેરી

સોનિયા ગાંધીએ મોદી સરકારને લોકડાઉનને લઇને આડે હાથ લેતા સવાલ પૂછ્યાં છે કે દેશમાં 17 મે બાદ શું ? મોદી સરકારની પાસે લોકડાઉનને લઇને આગળની રણનીતિ શું છે?

કેન્દ્ર પાસે રાહત પેકેજની માંગ

કોંગ્રેસ અધ્યક્ષા સોનિયા ગાંધીની આ બેઠકમાં રાજસ્થાન, પંજાબ, છત્તીસગઢ અને પોંડીચેરીના મુખ્યમંત્રીઓ જાડાયા છે. આ બેઠકમાં કોંગ્રેસ શાસિત મુખ્યમંત્રીઓએ કેન્દ્ર પાસે રાહત પેકજેની માગ કરી છે.

મનમોહનસિંહે કેન્દ્ર પર નિશાન સાધ્યું

આ બેઠકમાં પૂર્વ પ્રધાનમંત્રી ડૉ. મનમોહનિસંહ પણ ઉપસ્થિત રહ્યાં છે. જેમ કે સોનિય ગાંધીએ સવાલ કર્યો કે લોકડાઉન 3.0 પછી શું ? અમે પણ જાણવા ઇચ્છીએ છીએ કે સરકાર પાસે આગળનો શું પ્લાન છે. રાજ્યોના મુખ્યમંત્રીઓને લોકડાઉનના ત્રીજા તબક્કાની બાદની રણનીતિ અંગે જાણકારી તો હોવી જોઇએ.

પંજાબના મુખ્યમંત્રીએ લોકડાઉનને લઇને ઉઠાવ્યાં સવાલ

પંજાબના મુખ્યમંત્રી કેપ્ટન અમરિંદર સિંહે લોકડાઉન પર કેન્દ્રની દ્રષ્ટિકોણની ટીકા કરી છે. પંજાબના સીએમએ કહ્યું કે અમે બે સમિતિનું ગઠન કર્યું છે, એક લોકડાઉનના એકઝિટ પ્લાન માટે બીજી આર્થિક પુનરોદ્ધાર અંગેની રણનીતિ બનાવવા માટે.

સંકળાયેલા મુદ્દાઓ

Sonia Gandhi lockdown લોકડાઉન સોનિયા ગાંધી Sonia Gandhi