વડોદરા / 'ચૈતર વસાવા ભાજપમાં આવે તો વેલકમ', મનસુખ વસાવાના નિવેદન બાદ રાજનીતિનું ટેમ્પરેચર હાઇ, જુઓ કેમ નેવાના પાણી મોભારે ચડયા?

• વડોદરામાં ભરૂચના સાંસદ મનસુખ વસાવાનું નિવેદન
• કેટલાક લોકો UCCનો પોલિટિકલી વિરોધ કરી રહ્યા છે:  મનસુખ વસાવા 
• ચૈતર વસાવા ભાજપમાં આવે તો વેલકમ: મનસુખ વસાવા

2024 ની લોકસભાની ચૂંટણીને લઈને ભાજપ દ્વારા તૈયારીઓ શરૂ કરી દીધી છે. તાજેતરમાં જ સેવા, સુશાસન અને ગરીબ કલ્યાપણને સમર્પિત મોદી સરકારને 9 વર્ષ પૂર્ણ થયા છે. તે અનુસંધાને  વડોદરા મહાનગર ખાતે રાષ્ટ્રીય અધ્યક્ષ જે.પી. નડ્ડાજી તેમજ મુ્ખ્યમંત્રી ભુપેન્દ્ર પટેલની ઉપસ્થિતિમાં પંડિત દીનદયાળ ઉપાધ્યાય ઓડિટોરિયમ કાર્યકર્તા સંવાદ કાર્યક્રમનું આયોજન કરવામાં આવ્યું હતું. ત્યારે આ કાર્યક્રમમાં રાષ્ટ્રીય અધ્યક્ષ જે.પી.નડ્ડાજી દ્વારા મોદી સરકારની વિવિધ સિદ્ધિઓ વિશે કાર્યકર્તાઓને માહિતગાર કર્યા હતા.    

UCC માટે હજી સરકાર કામ કરી રહી છે: મનસુખ વસાવા 
વડોદરામાં ભાજપ દ્વારા કાર્યકર્તા સંમેલન કાર્યક્રમનું આયોજન કરવામાં આવ્યું હતું. આ કાર્યક્રમમાં ભરૂચનાં સાંસદ મનસુખ વસાવા પણ ઉપસ્થિત રહ્યા હતા. ત્યારે કાર્યક્રમ પૂર્ણ થયા બાદ ભરૂચનાં સાંસદ મનસુખ વસાવાએ  UCC મામલે નિવેદન આપ્યું છે. જેમાં તેઓએ જણાવ્યું હતું કે, UCC માટે હજી સરકાર કામ કરી રહી છે. તેમજ સરકાર બધા લોકોને વિશ્વાસમાં લઈને યુનિફોર્મ સિવિલ કોડ લાગુ કરાશે. ત્યારે ચૈતર વસાવાનાં રાજીનામાં આપવાની ચીમકી અંગે મનસુખ વસાવાએ કહ્યું હતું કે, ચૈતર વસાવા ભાજપમાં આવે તો વેલકમ છે. તેમજ લોકસભાની 26 બેઠકો ગુજરાતમાં ભાજપ જીતશે. તેમજ જે.પી. નડ્ડાએ તમામ બેઠકો જીતવા માટે આહ્વાન કર્યું હતું.