આગાહી / આજે અમદાવાદ સહિતના જિલ્લાઓમાં મેઘરાજાએ બોલાવી રમઝટ, હજુ 4 દિવસ અતિભારે!

• રાજ્યમાં વરસાદી માહોલ જામશે
• આગામી 4 દિવસ ભારે વરસાદ થવાની આગાહી
• આજે 15 તાલુકાઓમાં વરસાદની આગાહી

હવામાન વિભાગે રાજ્યમાં આગામી 4 દિવસ ભારે વરસાદ થવાની આગાહી કરી છે. વરસાદી સિસ્ટમ સક્રીય થવાને કારણે રાજ્યમાં વરસાદી માહોલ જામશે. આજે 15 તાલુકાઓમાં વરસાદની આગાહી કરવામાં આવી છે. અરવલ્લી, દાહોદ, મહીસાગર, વલસાડમાં ભારે વરસાદની આગાહી કરવામાં આવી છે. વડોદરા, પંચમહાલ, છોટાઉદેપુરમાં વરસાદની આગાહી કરવામાં આવી છે. નર્મદા, ભરૂચ, સુરત, ડાંગમાં વરસાદની આગાહી, નવસારી, તાપી, દાદરા નગર હવેલીમાં વરસાદની આગાહી કરવામાં આવી છે, તો દમણ, અમરેલી, અમદાવાદ, ભાવનગરમાં, ગીરસોમનાથ, સુરત, ગાંધીનગર, વડોદરામાં મેઘરાજાની ધમાકેદાર બેટીંગ થઈ શકે છે. 

છેલ્લા 24 કલાકમાં રાજ્યના 54 તાલુકામાં વરસાદ નોંધાયો છે. નવસારીના ખેરગામમાં 2.1 ઇંચ, ધરમપુરમાં 1.5 ઇંચ, અંકલેશ્વરમાં 1.4 ઇંચ, વલસાડમાં 1.3 ઇંચ, ઓલપાડમાં 1.2 ઇંચ વરસાદ, સુરત શહેર, બારડોલી, મહુવામાં 1 ઇંચ વરસાદ નોંધાયો છે.