- પીએમ મોદી નવા સંસદ ભવનના શ્રમજીવીઓને મળ્યાં
- તેમના ખબરઅંતર પૂછ્યા
- તેમનું રહેઠાણ જોઈને પીએમે કહ્યું, શું તમે અહીંયા જ રહો છો
નવા બંધાઈ રહેલા સંસદ ભવનની છત પર રાષ્ટ્રીય પ્રતીકનું અનાવરણ બાદ પીએમ મોદીએ કેટલાક શ્રમજીવીઓ સાથે મુલાકાત કરી હતી. પીએમ મોદીએ શ્રમજીવીઓને કહ્યું કે તેઓએ તેમના કામ પર ગર્વ અનુભવવો જોઈએ. તેમણે કહ્યું હતું કે, તેઓ દેશનાં ગૌરવમાં ઘણું મોટું પ્રદાન કરી રહ્યાં છે.
શબરીની ઝૂંપડીએ રામ પધાર્યાં તેમ પીએમ મોદી અમારી ઝૂંપડીએ પધાર્યાં
જ્યારે એક શ્રમજીવીએ આ સ્થળની મુલાકાત પર ખુશી વ્યક્ત કરી અને તેને મહાકાવ્ય રામાયણના સંદર્ભમાં શબરીની ઝૂંપડીમાં ભગવાન રામના આગમન સાથે સરખાવી, ત્યારે પીએમ મોદીએ હળવાશથી કહ્યું, "વાહ, વાહ, આ તમારી ઝૂંપડી છે!" ત્યારે તેમણે ઉમેર્યું હતું કે, દેશના દરેક ગરીબને પણ એવું લાગવું જોઈએ કે આ તેમની ઝૂંપડી છે. વડા પ્રધાને કહ્યું, "તમે ખૂબ સારી વાત કહી છે.
નવા સંસદ ભવનના નિર્માણકામમાં અમે ગર્વ અનુભવીએ છીએ-શ્રમયોગીઓ
જ્યારે પીએમ મોદીએ શ્રમજીવીઓને પૂછ્યું કે શું તેમને લાગે છે કે તેઓ કોઈ ઇમારત અથવા ઇતિહાસ બનાવી રહ્યા છે, ત્યારે તેઓએ સમૂહગીતમાં કહ્યું, "ઇતિહાસ". તેમણે તેમને સંસદ ભવનના નિર્માણનો ભાગ બનવા અને કેટલાક અન્ય પ્રોજેક્ટ્સમાં કામ કરવા વિશે જે તફાવત અનુભવ્યો તે વિશે પણ પૂછ્યું. કામદારોના જૂથે કહ્યું કે તેઓ નવી સંસદ ભવનમાં કામ કરવામાં ગર્વ અનુભવે છે.
પીએમ મોદીએ શ્રમજીવીઓના તબિયતના પણ હાલચાલ જાણ્યા
પીએમ મોદીએ શ્રમજીવીઓના તબિયતના પણ હાલચાલ જાણ્યા હતા અને તેમને પૂછ્યું હતું કે શું તેમણે બધાએ કોરોનાની વેક્સિન લઈ લીધી છે કે નહીં.
પીએમ મોદીએ ટ્વિટ કરીને કહ્યું આવું
પ્રધાનમંત્રીએ કહ્યું હતું કે, "સંસદનાં નિર્માણમાં સામેલ શ્રમજીવીઓ સાથે મેં અદ્ભુત આદાનપ્રદાન કર્યું હતું. અમને તેમના પ્રયત્નો પર ગર્વ છે અને અમારા રાષ્ટ્ર માટે તેમના યોગદાનને હંમેશા યાદ રાખીશું, "તેમણે ટ્વીટ કર્યું હતું.
