જુનું કોને ન ગમે / VIDEO : મુંબઈ એપલ સ્ટોર ઉદ્ધાટનમાં શખ્સ એવું લઈને પહોંચ્યો કે ટીમ કૂક મોં ફાડીને જોતા જ રહી ગયા, જબરા રાજી થયાં

• મુંબઈમાં સીઈઓ ટીમ કૂકે ભારતમાં પહેલા એપલ સ્ટોરનું કર્યું ઉદ્ધાટન
• ઉદ્ધાટનમાં એક ફેન સ્ટીવ જોબ્સના જમાનાનું લઈ આવ્યો કમ્પ્યુટર 
• કમ્પ્યુટર જોતા ટીમ કૂક ખૂબ રાજી થઈ ગયા અને મોં ફાડીને જોતા જ રહી ગયા 

મંગળવારે મુંબઈના બાંદ્રા-કુર્લા કોમ્પલેક્સ (બીકેસી)માં ભારતના પ્રથમ એપલ રિટેલ સ્ટોરના ભવ્ય ઉદ્ઘાટન બાદ સીઈઓ ટીમ કૂક એક અજીબ રિએક્શનને કારણે ચર્ચામાં આવ્યાં હતા. 

#WATCH | Apple CEO Tim Cook surprised at seeing a customer bring his old Macintosh Classic machine at the opening of India's first Apple store at Mumbai's BKC pic.twitter.com/MOY1PDk5Ug

— ANI (@ANI) April 18, 2023

શું બન્યું હતું એપલ સ્ટોરમાં 
એપલ સ્ટોરના ઉદ્ધાટનમાં એક વ્યક્તિ 33 વર્ષથી વધુ જૂનું એપલનું કમ્પ્યુટર લઈને આવતાં ટિમ કૂક મોં ફાડીને નવાઈથી જોઈ રહ્યાં હતા અને તેને ભેટી પડ્યાં હતા. કૂકને તો ઘડીભર વિશ્વાસ પણ ન આવ્યો કે આવું કોઈ કરી શકે. અને આ પ્રસંગે કૂકની પ્રતિક્રિયા જોવા જેવી હતી. 

સ્ટીવ જોબ્સના જમાનાનું કમ્પ્યુટર સંઘરી રાખ્યું 
કાળા ટર્ટલનેક અને પીળી ટોપી પહેરેલો એક માણસ સ્ટોરમાં પ્રવેશ્યો. પોતાની જાતને એપલના ઉત્પાદનોનો ડાઇહાર્ડ ફેન ગણાવતાં તેણે કહ્યું હતું કે સ્ટીવ જોબ્સે જ્યારથી એપલ કમ્પ્યુટરની સ્થાપના કરી છે ત્યારથી તેણે આ કમ્પ્યુટર સંઘરી રાખ્યું છે. 

મુંબઈમાં એપલના પહેલા સ્ટોરનું ઉદ્ધાટન 
એપલના સીઇઓ ટીમ કૂકે મુંબઈના બાંન્દ્રા કૂર્લામાં ભારતના પહેલા એપલ સ્ટોરનું ઉદ્ધાટન કરતાં જ આખો હોલ તાળીઓના ગડગડાટથી ગૂંજી ઉઠ્યો હતો.