- ભેજાબાજ શખ્સે સીએને 23 લાખનો ધુમ્બો માર્યો
- 700 રૂપિયાના બુટ CA ને 23 લાખમાં પડ્યા
- ઓનલાઈન ફ્રોડના કિસ્સાઓમાં જાગૃતિ જરૂરી
ડિજિટલ યુગમાં ઓનલાઈન ફ્રોડના કિસ્સાઓમાં મોટા પાયે ઉછાળો આવ્યો છે. દિવસેને દિવસે ભેજાબાજ શખ્સો લોકોને અવનવા કિમીયા રચી લોકોને બાટલીમાં ઉતારી રહ્યા છે. ત્યારે નવસારીમાં ખળભળાટ મચાવી દેતી ઘટના સામે આવી છે. જેમાં ઓનલાઈન ફ્રોડ કરતા શખ્સે અભણને નહિ પરંતુ સીએને નાની મોટી રકમ નહિ પરંતુ 23 લાખનો ધુમ્બો મારી દેતા આ ઘટનાએ સમાન્ય લોકોને વિચારતા કરી દીધા છે.
iphone 12 pro maxના નામે છેતરપીંડી
આ અંગેની વિગત મુજબ નવસારી શહેરમાં રહેતા ધ્રુવીલ મહેશભાઈ ચોડવડિયાએ ચાર્ટર્ડ એકાઉન્ટન્ટની કંપનીમાં સુરતમાં નોકરી કરી રહ્યા છે. આ દરમિયાન ધ્રુવીલ પર ગત 28, મેના રોજ ગૌરવ મિશ્રા નામના વ્યક્તિનો ફોન આવ્યો હતો. જેમનું કહ્યું હતી કે હું માય ઈન્ડિયા હબ ડોટ કોમ નામથી કંપનીમાંથી બોલું છું અને આ કંપનીમાંથી પ્રોડક્ટ ખરીદી કરનારને લકી ડ્રો દ્વારા ઇનામ જીતવાની તક હોવાની લાલચ આપી હતી. જેને પગલે લોભમાં આવી ધ્રુવીલે 700 રૂપિયાના બુટ આ કંપનીમાંથી ખરીદ્યા હતા. ત્યારબાદ અન્ય નંબર પરથી ફોન પર જાણ કરાઇ હતી કે તેમને લક્કી વિજેતા છો અને તમને ડ્રો થકી iphone 12 pro max લાગ્યો છે. સાથે શરત મૂકીને એમ પણ જણાવ્યું કે આ માટે તમારે સંબંધિત ચાર્જ કંપનીમાં જમા કરાવવો પડશે. તેવું કહીને ભરમાવ્યો હતો.
6 મહિનામાં 23.12 લાખની રકમ પધરાવી દીધી
જેને પગલે ધ્રુવીલે કટકે કટકે 6 મહિનામાં 23.12 લાખની રકમ પધરાવી દીધી હતી. જોકે બાદમાં તેને છેતરપીંડીનો અહેસાસ થતા પોલીસ ફરિયાદ નોંધાવી હતી. જેમાં તેના મિત્ર પોપટભાઈ માવાણી સાથે મળીને બને એ આ રૂપિયા ભર્યા હોવાનું કહ્યું હતું. ત્યારબાદ આ મામલે પોલીસ ફરિયાદ કરતા નવસારી ટાઉન પોલીસે આ સમગ્ર મામલે આઈ.ટી એક્ટ મુજબ ફરિયાદ દાખલ કરી તપાસમાં આરંભી છે.
