તમારા કામનું / CA ને પૈસા આપ્યા વિના જાતે ઘરે બેઠા ITR ફાઈલ કરવા માંગો છો? તો ફોલો કરો આ સ્ટેપ

• ઈન્કમ ટેક્સ રિટર્ન ફાઈલ કરવાની અંતિમ તારીખ નજીક છે
• છેલ્લી તારીખની રાહ જોયા વિના વહેલી તકે ITR ભરવું જોઈએ
• તમે તમારી જાતે જ તમારું આવકવેરા રિટર્ન ફાઇલ કરી શકશો

ઈન્કમ ટેક્સ રિટર્ન ફાઈલ કરવાની અંતિમ તારીખ નજીક છે. અસેસમેન્ટ 2023-24 એટલે કે નાણાકીય વર્ષ 2022-23 માટે આવકવેરા રિટર્નની અંતિમ તારીખ 31 જુલાઈ, 2023 નક્કી કરવામાં આવી છે. આવી સ્થિતિમાં, તમારે છેલ્લી તારીખની રાહ જોયા વિના શક્ય તેટલી વહેલી તકે ITR ભરવું જોઈએ. જો સમયમર્યાદા પહેલા તમારું ITR ફાઇલ ન કરો તો એવી સ્થિતિમાં તમારે ઘણી સમસ્યાઓનો સામનો કરવો પડી શકે છે. 

આજે અમે તમને તે પ્રક્રિયા વિશે જણાવવા જઈ રહ્યા છીએ, જેની મદદથી તમે તમારી જાતે જ તમારું આવકવેરા રિટર્ન ફાઇલ કરી શકશો. આ માટે તમારે કોઈ CAની જરૂર પડશે નહીં અને કોઈપણ પ્રકારની સમસ્યાનો પણ સામનો કરવો પડશે નહીં. 

આ રીતે તમારું ITR ભરો
- આવકવેરા રિટર્ન ફાઈલ કરવા માટે, પહેલા ઈ-ફાઈલિંગ પોર્ટલની મુલાકાત લો 
- જો તમારી પાસે પહેલેથી જ એકાઉન્ટ છે. આ કિસ્સામાં તમારે લોગિન કરવું પડશે
- જો તમારી પાસે એકાઉન્ટ નથી તો રજીસ્ટરનો વિકલ્પ પસંદ કરો 
- જે બાદ હોમપેજ પર ઈ-ફાઈલનો વિકલ્પ પસંદ કરો 
- આ પછી  ઈન્કમ ટેક્સ રિટર્ન ફાઈલ કરો પસંદ કરો
- જે બાદ મૂલ્યાંકન વર્ષ પસંદ કરવાનો વિકલ્પ દેખાશે
- ITR ઓનલાઈન ફાઈલ કરવા માટે તમારે પર્સનલ ઓપ્શન પર જવું પડશે
- એ બાદ તમારે સૌથી મહત્વપૂર્ણ યોગ્ય ફોર્મ પસંદ કરવું પડશે

જો તમે પગારદાર વર્ગમાંથી આવો છો તો 
- આ કિસ્સામાં ITR-1 ફોર્મ પસંદ કરવાનું રહેશે
- પગારદાર કરદાતાને પહેલાથી ભરેલું ફોર્મ મળશે
- અહીં તમે સેલરી સ્લિપ, ફોર્મ 16 અને AIS ના ડેટાને મર્જ કરી શકો છો
- રિટર્નનો દાવો કરતા પહેલા, તમારી બેંક વિગતો તપાસો કે તે સાચી છે કે નહીં
- તમામ જરૂરી વસ્તુઓની તપાસ કર્યા પછી, તમારે ITR સબમિટ કરવું પડશે
- આ પછી ITR ઇ-વેરિફાઇ કરો
- બેંક વિગતોની મદદથી આ સરળતાથી ઓનલાઈન કરી શકો છો
-આવકવેરા વિભાગ 3-4 અઠવાડિયામાં ITR પર પ્રોસેસ કરે છે
- એક્નોલેજમેન્ટ નંબરની મદદથી તમે સરળતાથી તમારું સ્ટેટસ ચેક કરી શકો છો