- ભારત અને શ્રીલંકા વચ્ચે રમાઈ રહેલી મેચમાં વિરાટ કોહલીએ રેકોર્ડ બનાવ્યો
- ODI ક્રિકેટમાં સૌથી ઝડપી 8000 રન બનાવનાર બેટ્સમેન બન્યો કોહલી
- આ મામલે વિરાટ કોહલીએ સચિન તેંડુલકરને પાછળ છોડી દીધો
મુંબઈના વાનખેડે સ્ટેડીયમમાં ભારત અને શ્રીલંકા વચ્ચે રમાઈ રહેલી મેચમાં વિરાટ કોહલીએ એક ખાસ સિદ્ધિ મેળવી હતી. તેણે ODIમાં આઠમી વખત એક કેલેન્ડર વર્ષમાં 1000 રન પૂરા કર્યા છે. આ મામલે વિરાટે સચિન તેંડુલકરને પાછળ છોડી દીધો. સચિને એક કેલેન્ડર વર્ષમાં સાત વખત ODIમાં હજાર રન પૂરા કર્યા હતા.
ભારતીય કેપ્ટન રોહિત શર્માએ મુંબઈના વાનખેડે સ્ટેડિયમમાં શ્રીલંકા સામે સારી બેટિંગ કરી ન હતી, પરંતુ વિરાટ કોહલી ફોર્મમાં દેખાઈ રહ્યો હતો અને તેણે પોતાની ઈનિંગ દરમિયાન કેટલાક શાનદાર રેકોર્ડ નોંધાવ્યા હતા. વિરાટ કોહલી હવે એશિયન ધરતી પર ODI ક્રિકેટમાં સૌથી ઝડપી 8000 રન બનાવનાર બેટ્સમેન બની ગયો છે. કોહલી સચિન તેંડુલકરને પાછળ છોડીને એક કેલેન્ડર વર્ષમાં 1000 કે તેથી વધુ રન બનાવનાર બેટ્સમેનોની યાદીમાં પ્રથમ સ્થાને આવી ગયો છે.
વિરાટ કોહલીએ સચિન તેંડુલકરને પાછળ છોડી દીધો
શ્રીલંકા સામે ODI વર્લ્ડ કપ 2023 ની સાતમી લીગ મેચ દરમિયાન, વિરાટ કોહલીએ વર્ષ 2023 માં તેના 1000 રન પૂરા કર્યા અને હવે તે એક કેલેન્ડરમાં સૌથી વધુ વખત 1000 કે તેથી વધુ રન બનાવનાર બેટ્સમેનોની યાદીમાં પ્રથમ છે. ODI ક્રિકેટમાં વિરાટ કોહલીએ એક કેલેન્ડર વર્ષમાં 8મી વખત 1000 કે તેથી વધુ રન બનાવવાનું કારનામું કર્યું છે અને સચિને આ 7 વખત કર્યું છે.
એક કેલેન્ડર વર્ષમાં સૌથી વધુ 1000+ ODI રન બનાવનાર બેટ્સમેન
8 – વિરાટ કોહલી
7 – સચિન તેંડુલકર
6- કુમરા સંગાકારા
6 – રિકી પોન્ટિંગ
6- સૌરવ ગાંગુલી
5 – રોહિત શર્મા
4 – તિલકરત્ને દિલશાન
4 – સનથ જયસૂર્યા
કોહલીએ એશિયામાં ODIમાં 8000 રન પૂરા કર્યા
શ્રીલંકા સામેની તેની ઇનિંગ દરમિયાન, વિરાટ કોહલીએ એશિયામાં ODI ફોર્મેટમાં 8000 રન પૂરા કર્યા અને આમ કરનાર ચોથો બેટ્સમેન બન્યો. અગાઉ એશિયામાં વનડેમાં આ આંકડાને સ્પર્શનારા બેટ્સમેનોમાં સચિન તેંડુલકર, સનથ જયસૂર્યા અને કુમાર સંગાકારા હતા. એશિયામાં વનડેમાં સૌથી વધુ રન બનાવનાર બેટ્સમેનોની યાદીમાં સચિન તેંડુલકર 12067 રન સાથે નંબર વન પર છે.
એશિયાનો સૌથી ઝડપી 8000 ODI રન પૂરો કરનાર ખેલાડી
159 ઇનિંગ્સ – વિરાટ કોહલી
188 ઇનિંગ્સ – સચિન તેંડુલકર
213 ઇનિંગ્સ – કે સંગાકારા
254 ઇનિંગ્સ – સનથ જયસૂર્યા
