- કોહલી અને હાર્દિક પંડ્યા બન્યાં મેચના હીરો
- કોહલીએ માત્ર 53 બોલમાં અણનમ 82 રન કર્યાં
- પાકિસ્તાનને હરાવ્યા બાદ વિરાટ થયા ભાવુક
- વિરાટને ઉચકીને રોહિત શર્માએ ખુશી વ્યક્ત કરી
ટીમ ઈન્ડીયાએ દેશને જીતની ભેટ આપી છે. ઓસ્ટ્રેલિયાના મેલબર્ન સ્ટેડિયમમાં રમાયેલી ટી20 મેચમાં ભારતે તેના કટ્ટર હરીફ પાકિસ્તાનને ચાર વિકેટે હરાવીને અગાઉની હારનો બદલો પૂરો કર્યો હતો. વિરાટ કોહલી ભારતની જીતનો હીરો રહ્યો હતો. કિંગ કોહલીએ માત્ર 53 બોલમાં અણનમ 82 રન ફટકારતાં ટીમ ઈન્ડિયાને લગભગ હારેલી બાજી જીતી લીધી હતી. કોહલી જીત અપાવ્યા બાદ એક ભાવુક માહોલ સર્જાયો હતો.
મેચમાં જીત બાદ વિરાટ થયો ભાવુક
વિરાટ કોહલીએ ભારત-પાકિસ્તાન મેચમાં જીત અપાવ્યા બાદ ભાવુક થયા બાદ જે ભાવુક ક્ષણ સર્જાઈ હતી. વિરાટ જીત અપાવ્યા બાદ ભાવુક્તા દાખવી હતી અને તે ભગવાનને યાદ કરતા હોય તેમ આકાશ તરફ આંગળી કરી હતી. વિરાટની આંખો ભીનિ થઈ હતી.
રોહિતે વિરાટને ઉચકી ખુશી વ્યક્ત કરી
રોહિત શર્માએ વિરાટની કોહલીને ઉંચકીને જીતની ખુશી દાખવી હતી તેઓ ગ્રાઉન્ડમાંથી પરત ફરી રહ્યાં હતા ત્યારે રોહિત શર્માએ વિરાટ કોહલીને ઉચકી લીધો હતો અને અન્ય ખેલાડીઓ પણ વિરાટને સાબાસી આપતા નજરે ચડી રહ્યાં છે
વિજયનો હિરો 'વિરાટ'
મેલબોર્નમાં રમાયેલી શાનદાર મેચમાં ટીમ ઈન્ડિયાએ પાકિસ્તાનને 4 વિકેટે હરાવ્યું છે. ભારતની આ જીતનો હીરો હતો વિરાટ કોહલી. કિંગ કોહલીએ માત્ર 53 બોલમાં ધડાધડ 82 રનની ઇનિંગ રમીને ટીમ ઈન્ડિયાને જીત અપાવી છે. મેચમાં પાકિસ્તાને 20 ઓવરમાં 8 વિકેટે 159 રન બનાવ્યા હતા જ્યારે ભારતે છેલ્લા બોલે સુધી ઈનિંગલ રમી અને જીત મેળવી છે.
હાર્દિક અને કોહલીએ બાજી સંભાળી
31 રનમાં ચાર વિકેટ પડી જતા ચિંતાનો વાદળો છવાયા હતા પરંતુ ત્યાર બાદ આવેલી હાર્દિક અને કોહલીની જોડીએ બાજી સંભાળી હતી અને 50 રનની ભાગીદારી કરી હતી.
પાકિસ્તાને આઠ વિકેટે બનાવ્યાં હતા 159 રન
ટોસ હારીને પ્રથમ બેટિંગ કરતા પાકિસ્તાને આઠ વિકેટે 159 રન બનાવ્યા હતા. શાન મસૂદે સૌથી વધુ અણનમ 52 રનનું યોગદાન આપ્યું હતું. તે જ સમયે, ઇફ્તિખાર અહેમદે 34 બોલમાં 51 રન બનાવ્યા હતા. ખાસ વાત એ છે કે, છેલ્લી ત્રણ ઓવરમાં પાકિસ્તાનની ટીમે 34 રન જોડ્યા હતા, જેના કારણે તેઓ સન્માનજનક સ્કોર સુધી પહોંચી શક્યા હતા પરંતુ ભારતીય બોલરના તરખાટ સામે પાકિસ્તાની ક્રિકેટરો ઘૂંટણીએ પડી ગયા હતા.
અર્શદીપ-હાર્દિકે ઝડપી 3-3 વિકેટ
મેચમાં ભારતીય બોલરોએ તરખાટ મચાવીને પાકિસ્તાની ખેલાડીઓને ઘૂંટણીયે પાડી દીધા હતા. ભારત વતી અર્શદીપ સિંહ અને હાર્દિક પંડ્યાએ 3-3 વિકેટ ઝડપી હતી.
