ઉઘાડી લૂંટ / VIDEO: રાજકોટમાં તંત્રની કચેરી સામે જ લૂંટનો ધંધો કેમેરામાં કેદ, 400-400 ખંખેરી 'ઉપર સુધી' પહોંચી જાય છે હપ્તો?

• બહુમાળી ભવન વચેટીયા અને પીંઢારાનો અડ્ડો
• રાજકોટમાં વચેટીયાઓ યુવાઓને ખંખેરે છે 
• બહુમાળી ભવન કે રળવાનું 'વેન્ડિંગ મશીન'

રાજકોટનું બહુમાળી ભવન વચેટીયા અને પીંઢારા નો અડ્ડો બની ગયું હોય તેમ અહી લે-ભાગુઓ અને વચેટિયાઓનું રાજ ચાલે છે. અને વચેટીયાઓ દેશના ભાવી એવા યુવાનોના સપનાઓનો પણ 'ખેલ' કરી નાણા ખંખેરે છે. આજે આવા જ મોટા રેકેટનો પર્દાફાશ થતા વહીવટી તંત્ર સફાળું જાગ્યું છે.  

રાજકોટ ક્રીમિલેયર સર્ટિફિકેટ કાઢવામાં વચેટિયાં બેફામ બન્યા છે.ક્રિમિલેયર સર્ટી ક્ઢાવવા સોગધનામાં જરૂરું પડે છે.સોગંધનામાં માટે યુવાનોને 350 થી 400 રૂપિયા વચેટીયાઓ પડાવી રહ્યા છે..રાજકોટના બહુમાળી ભવન ખાતે ગોરખધંધો ચાલતા હોવાનો વિડીયો સોશિયલ મીડિયામા યુવાનો દ્વારા જ વાઇરલ કરવામાં આવે છે.

રાજકોટમાં વચેટિયાઓ દ્વારા યુવાનોને લૂંટવાનો ધંધો રીતસર અને ખુલ્લેઆમ ચાલી રહ્યો છે.આજે સવારે ક્રિમિલેયર સર્ટી કઢાવવા યુવાનોની લાઈનો લાગી હતી.વારંવાર સર્વર ડાઉન થતા યુવાનો પરેશાન થયા હતા.કોરોના કાળમાં યુવાનોને સર્ટી કઢાવવા માટે સવારથી લાઈનો લાગી છે..માત્ર યુવાનો જ નહીં પણ તેમના પરિવારજનો અને નાના બાળકો પણ પરેશાન થઈ રહ્યા છે..બહુમાળી ભવનમાં ક્રિમિલેયર સર્ટી માટે વ્યવસ્થાઓ વધારવાની જરૂરિયાત છે. રાજકોટ-નોન ક્રિમિલેયર સર્ટિફિકેટ માટે લાંબી લાઇનો અંગે પ્રાંત અધિકારી સિધ્ધાર્થ ગઢવીએ નિવેદન આપ્યું હતું.યુવાનોની ભીડને જોતા વધારાની વ્યવસ્થા હાથ ધરાઇ છે.ત્રણ વધારે ટેબલ શરૂ કરવામાં આવ્યા છે.

જે વ્યક્તિ વિડીયોમાં દેખાઇ રહ્યો છે તે લેભાગુ તત્વ હોવાનું અને ખોટું બોલતો હોવાનું ડેપ્યુટી કલેક્ટરનું નિવેદન આપ્યું છે.બહુમાળી ભવનમાં પોલીસ બંદોબસ્ત મુકવામાં આવશે અને લેભાગુ તત્વોને બહાર કાઢવામાં આવશે.તેમ જણાવ્યું હતું.