ગીર સોમનાથ / VIDEO: CMને મેં પત્નીથી ગભરાતાં જોયા છે, હું પોતે ગભરાઉં છું...: C R પાટીલે રમૂજના મૂડમાં જુઓ શું કહ્યું

• ભાજપ પ્રદેશ પ્રમુખનો જોવા મળ્યો રમૂજી અંદાજ
• રમૂજ કરતા કહ્યું કે પત્નીથી તો બધા ડરે
• "હું અને મુખ્યમંત્રી પણ પત્નીથી ડરીએ"

 ગીર સોમનાથ ખાતે વિમ્સ મલ્ટી સ્પેશ્યાલિટી હોસ્પિટલનું ઉદ્ઘાટન મુખ્યમંત્રીનાં વરદ હસ્તે અને પ્રદેશ અધ્યક્ષની વિશેષ ઉપસ્થિતિમાં કરવામાં આવ્યું હતું. ત્યારે પ્રદેશ અધ્યક્ષ સી.આર.પાટીલે રમૂજી અંદાજમાં કહ્યું કે આમ તો બધા પત્નિથી ડરતા જ હોય છે.  જે ન ગભરાતા હોયએ હાથ ઉંચો કરે. 

 ગીર સોમનાથ ખાતે વિમ્સ મલ્ટી સ્પેશ્યાલિટી હોસ્પિટલનું ઉદ્દઘાટન મુખ્યમંત્રી ભૂપેન્દ્રભાઈ પટેલના વરદ્હસ્તે અને પ્રદેશ અધ્યક્ષ સી.આરપાટીલની વિશેષ ઉપસ્થિતિમાં  કરવામાં આવ્યું હતું. આ દરમિયાન જ્યારે ભાજપના પ્રદેશ અધ્યક્ષ સી.આર.પાટીલ સ્ટેજ પર પોતાનું ભાષણ આપવા ઊભા થયા ત્યારે તેમણે જે નિવેદન આપ્યું તે હાલ ચર્ચાનું કેન્દ્ર બન્યું છે. જેને લઈ હવે ચૂંટણી પહેલા જ અહીનું રાજકારણ ગરમાયું છે. 

શું કહ્યું સી.આર.પાટીલે ? 
ગુજરાત ભાજપના પ્રદેશ અધ્યક્ષ સી.આર.પાટીલ આજે વેરાવળ પહોંચ્યા હતા. જ્યાં તેમણે સ્ટેજ પરથી કોંગ્રેસ નેતા અંબરીશ ડેરને લઈ એક નિવેદન કર્યું હતું. મુખ્યમંત્રી ભૂપેન્દ્ર પટેલ અને લોકસાહિત્યકાર માયાભાઇ આહીર સહિતનાનું સ્વાગત કરતી વખતે પાટીલે તેમના ભાષણમાં કોંગ્રેસ નેતા અંબરીશ ડેરનો પણ ઉલ્લેખ કર્યો હતો. સી.આર.પાટીલે કહ્યું કે, , જેમની માટે મે બસમાં રૂમાલ મૂકી રાખ્યો હતો પણ બસ ચૂકી ગયા એવા અંબરીશ ડેર.. પછી કહ્યું કે, મારો મિત્ર જ છે હું એને લાવવાનો જ છું.. હાથ પકડીને.. આ તરફ હવે  સી.આર.પાટીલના નિવેદન બાદ એ ચર્ચાએ જોર પકડયું છે કે, શું કોંગ્રેસ નેતા અંબરીશ ડેર ભાજપમાં જોડાશે ? જોકે હાલ તો અનેક સવાલ ઊભા થઈ રહ્યા છે પણ આ તમામનો જવાબ સમય આવ્યે જ ખબર પડશે.