વાયરલ / VIDEO : આવો નિર્દયી ડોક્ટર ! કાર હટાવવાનું કહેતા શાકભાજી વેચનાર મહિલા પર તૂટી પડ્યો, વીડિયો વાયરલ

• મધ્યપ્રદેશના ઈન્દોરની શરમજનક ઘટના
• મહિલાની લારી ઉથલાવી નાખી અસામાજિક તત્વો
• મહિલા અને તેના પુત્રની મારઝૂડ કરી
• વીડિયો સોશિયલ મીડિયામાં વાયરલ

મધ્યપ્રદેશના ઈન્દોરમાંથી એક શરમજનક ઘટનાનો વીડિયો વાયરલ થયો છે. જેમાં શાકભાજી વેચનાર એક મહિલા અને તેના પુત્રની કેટલાક અસામાજિક તત્વોએ મારઝૂડ કરી હતી અને તેની લારી ઉથલાવી નાખી હતી. આ ઘટના બાદ લોકોમાં મોટાપાયે રોષ ફેલાયો હતો. વીડિયોમાં મહિલા પોકાર પાડીને આવું ન કરવાની બદમાશોને વિનંતી કરતી રહી હતી તેમ છતાં પણ બદમાશોએ તેની એક વાત માની નહોતી. બદમાશ અને તેના પુત્રની બદમાશો મારઝૂડ કરતા રહ્યાં હતા અને તેમની લારીમાંથી બટાકા અને ડૂંગળી નીચે ફેંકવા લાગ્યા હતા. વીડિયો ઈન્દોરના ભંવરકુવા થાણા ક્ષેત્રનો હોવાનું કહેવાય છે જ્યાં એક એમબીબીએસ ડોક્ટરે ગુસ્સામાં મહિલાની ડૂંગળી-બટાકા ભરેલી લારી ઊંધી પાડી દીધી હતી. 

Vegetable vendor in Indore,were beaten up mercilessly by a group of men.Witnesses say they asked a doctor to move his car that he had parked in front of their pushcart. Fuming over the argument,the doctor called his staff from his clinic and got the mother and son beaten up. pic.twitter.com/JoluHH67Lq

— Anurag Dwary (@Anurag_Dwary) January 15, 2022

ડ઼ૂંગળી-બટાકાની લારી સામેની કાર હટાવવાનું કહેતા ડોક્ટરે મહિલા પર તૂટી પડ્યાં 
પ્રાપ્ત થતી વિગતો અનુસાર, મહિલા અને તેનો પુત્ર ડૂંગળી-બટાકાની લારી લઈને ઊભા હતા. તેમની લારીની બરાબર સામે એક ડોક્ટરે તેની કાર પાર્ક કરી હતી. આથી મહિલાને વેચાણમાં તકલીફ પડતી હતી અને કોઈ ઘરાક આવતું નહોતું. આ જોઈને મહિલાએ ડોક્ટરને કાર હટાવી લેવાની વિનંતી કરી હતી. મહિલાની વિનંતીને માન આપવાને બદલે ડોક્ટર ગુસ્સે ભરાયા અને ક્લિનિકમાંથી તેના સ્ટાફ બોલાવીને મહિલા અને તેના પુત્રને મારઝૂડ કરાવી. 

ઘટના બાદ લોકોમાં ભારે રોષ, જવાબદાર ડોક્ટરની સામે કાર્યવાહીની માગ 
પીડિત મહિલાનો આરોપ છે કે સંચાલક ડોક્ટર અનિલ ધઈએ તેના માણસોને બોલાવીને તેની અને તેના પુત્રની મારઝૂડ કરી અને લારી ઊંધી પાડી દીધી હતી આ ઘટનાનો વીડિયો સોશિયલ મીડિયા પર વાયરલ થયો હતો. આ ઘટના બાદ લોકોમાં ભારે રોષ ફેલાયો છે અને જવાબદાર ડોક્ટર અને તેના માણસોની સામે કાર્યવાહી કરવાનું જણાવ્યું છે.