- ઘરની સીડીઓ નીચે મુકી દો આ વસ્તુ
- અનેક પ્રકારની મુશ્કેલીઓ થશે દૂર
- જુઓ કઇ રીતે આ ટિપ્સ થશે લાભદાયી
વાસ્તુશાસ્ત્રમાં આજે અમે તમને જણાવીશું સીડીઓમાં વાસ્તુ સંબંધી સમસ્યાઓના ઉપાય વિશે. ઘર બનાવતી વખતે સીડીઓ બનાવવાના સ્થાન પર માટીના કળશમાં વરસાદનું પાણી ભરી અને તેને માટીના ઢાકણથી ઢાંકીને જમીનની નીચે દબાવી દો. તેનાથી સીડીઓની વાસ્તુ સંબંધી સમસ્યાઓ દૂર થઈ જશે.
ઘરની છત પર મુકી આવો આ વસ્તુઓ
પરંતુ જો તમે કોઈ કારણથી આમ કરવામાં સમર્થ નથી થઈ રહ્યા તો ગભરાવવાની જરૂર નથી. વાસ્તુ શાસ્ત્રમાં તેના માટે એક ઉપાય છે. તેના માટે ઘરની છત પર એક માટીના વાસણમાં દરરોજ સાત પ્રકારના અનાજ અને બીજા વાસણમાં જળ ભરીને પક્ષિઓ માટે મુકી દો.
તેનાથી તમારી દરેક મુશ્કેલીઓ દૂર થશે. આ ઉપાય ઉપરાંત અમુક વસ્તુઓ બીજી પણ છે જેના પર ધ્યાન આપવાની જરૂર છે. સીડીઓનો પ્રારંભ ક્યારેય પણ ત્રિકોણાત્મક રીતે ન કરવો જોઈએ અને સીડીઓના બન્ને બાજુ રેલિંગ લગાવવી જોઈએ. સાથે જ સીડીઓની સંખ્યા હંમેશા વિષમ થવી જોઈએ.
સીડીઓની નીચે ક્યારેય ન રાખો મંદિર
વાસ્તુ શાસ્ત્ર અનુસાર સીડીઓની નીચે ક્યારેય પણ મંદિર ન રાખવું જોઈએ. રસોડા કે બાથરૂમનું નિર્માણ ન કરવું જોઈએ. સીધા શબ્દોમાં કહીએ તો સીડીઓની નીચે કોઈ પણ એવી વસ્તુઓનું નિર્માણ ન કરાવો જે રોજના કામો માટે ઉપયોગમાં આવે છે.
જો તમે ત્યાં કંઈક બનાવવા માંગો છો તો એક સ્ટોર રૂમ બનાવી શકો છો. જેમાં તમે એક્સ્ટ્રા સામાન મુકી શકો છો. જે ક્યારેક ક્યારેક કામમાં આવે. તેના ઉપરાંત અમુક લોકો સીડીઓમાં જૂતા, ચંપલ રાખવા માટે રેક બનાવે છે. જે બિલકુલ ખોટી વસ્તુ છે અને તમારા માટે નુકસાનકારક છે.
