- ઘર બનાવતા પહેલા આ વાસ્તુ નિયમોનું રાખો ખાસ ધ્યાન
- વાસ્તુ નિયમોનું ધ્યાન રાખવાથી જીવન સુખમયી રીતે પસાર થાય છે
- કોઈપણ સમસ્યા આવે તો તેનું જલ્દી નિવારણ આવે છે
એન્જિનિયર અથવા આર્કિટેક્ટ ઘર બનાવતા પહેલા, નકશો બનાવે છે. સામાન્ય રીતે એન્જિનિયર અથવા આર્કિટેક્ટને વાસ્તુ શાસ્ત્રનું જ્ઞાન હોય છે. જો તમે પણ વાસ્તુ નિયમોનું ધ્યાનમાં રાખશો તો વધુ સારું રહેશે. ઘર વાસ્તુ અનુસાર હોય તો જીવન સુખમયી રીતે પસાર થાય છે. જીવનમાં કોઈપણ સમસ્યા આવે તો તેનું જલ્દી નિવારણ આવે છે.
શૌચાલય- ઘરમાં શૌચાલય અને બાથરૂમ અલગ-અલગ જગ્યાએ હોવા જોઈએ. ઈશાન ખૂણામાં (ઉત્તર-પૂર્વ દિશા) અથવા બ્રહ્મસ્થાન એટલે કે કેન્દ્ર બિંદુમાં શૌચાલય ના બનાવવું જોઈએ. શૌચાલય દક્ષિણ-પશ્ચિમ દિશામાં હોવું જોઈએ.
બાથરૂમ- બાથરૂમ માટે પૂર્વ દિશાને યોગ્ય દિશા માનવામાં આવે છે, ગટર ઉત્તર-પૂર્વ દિશા તરફ હોવી જોઈએ. ગીઝર દક્ષિણ-પૂર્વ દિશામાં હોવું જોઈએ.
સ્ટોર રૂમ- ખાવા પીવાની વસ્તુ તથા અન્ય વસ્તુઓનો સંગ્રહ ઈશાન ખૂણામાં (ઉત્તર-પૂર્વ દિશા)માં કરવો જોઈએ. આ દિશામાં વધુ સંગ્રહ ના કરવો જોઈએ. ધન સંચિત કરવાનું સ્થાન ઉત્તર દિશામાં બનાવવામાં આવે છે.
ભોજન કક્ષ- ડાઈનિંગ રૂમ એટલે કે, ભોજન કક્ષ પશ્ચિમ દિશામાં બનાવવો જોઈએ.
સ્ટડી રૂમ- સ્ટડી રૂમ દક્ષિણ-પશ્ચિમ દિશા (નૈઋત્ય ખૂણા)માં બનાવવો તે યોગ્ય માનવામાં આવે છે. આ દિશામાં સ્ટડી રૂમ રાખવાથી બાળકોનું ભણવામાં મન પરોવાય છે.
બેડરૂમ- ગૃહસ્વામીનો બેડરૂમ દક્ષિણ દિશામાં હોવો જોઈએ. સૂતા સમયે માથુ દક્ષિણ દિશામાં હોવું જોઈએ. પૂર્વ દિશામાં પણ માથુ રાખી શકાય છે.
