સુરત / દંપતીની કરાઈ ધરપકડ, 'દીકરીના બદલે દીકરાનો જન્મ થતાં ત્યજી દીધો'

Hiren

Last Updated: 08:49 PM, 13 January 2020

FOLLOW ON

શેર કરો

અત્યાર સુધી આપે દીકરાની ઇચ્છા પૂર્ણ ન થતાં બાળકીને ત્યજી દીધી હોય તેવા કિસ્સા સાંભળ્યાં હશે. પરંતુ સુરતના સિંગણપોરમાં આ ઘટનાથી વિપરિત કિસ્સો સામે આવ્યો છે. જીહાં અહીં એક દંપતીને દીકરીની ઇચ્છા હતી અને દીકરાનો જન્મ થતાં, દીકરાને ત્યજી દીધો હતો.

સુરતના સિંગણપોરમાં બાળક ત્યજી દેવાનો મામલો
દંપતીને ચોથો પુત્ર જન્મતા બાળક ત્યજી દેવાયુ
ત્રણ પુત્રો હોવાથી ચોથી પુત્રીની હતી ઝંખના

કતારગામના સિંગણપોર વિસ્તારમાં ટ્રક ડાઇવર મંગુભાઇ નરસિંહ વણઝારા અને ગંગાબેન મંગુભાઇ વણઝારા નામના દંપતીને ત્રણ દીકરા હતા અને તેમને દીકરીની ઇચ્છા હતી પરંતુ ચોથી વખત પણ પુત્રનો જ જન્મ થતાં તેમણે બાળકને ત્યજી દીધું હતું. તાપી નદીના કિનારે ઝાડીમાં તેમણે બાળકને ત્યાજી દીધું હતું.

આ ઘટનાની જાણ થતાં ચોકબજાર પોલીસે દંપતી ની ધરપકડ કરીને કાર્યવાહી હાથ ધરી છે. દીકરી હોય કે દીકરો પરંતુ માસૂમ નિર્દોષ આ રીતે તિરસ્કાર કોઇપણ રીતે યોગ્ય તો નથી જ.

6 ડિસેમ્બરે એક નવજાત બાળકને કડકડતી ઠંડીમાં મોતના મુખમાં છોડી દેવાયું હતું. તાપીના પાળે બેસવા ગયેલા યુવાનોમાંથી એક અજય વણઝારા નામનો યુવાન જોઈ જતા. તેણે તાત્કાલીક શર્ટ કાઢીને બાળકને ઓઢાડી દીધો હતો. ત્યારબાદ આ બાળકને હોસ્પિટલમાં દાખલ કરવામાં આવ્યું હતું. જ્યાં પોલીસે પહોંચી તપાસ હાથધરી હતી.

સંકળાયેલા મુદ્દાઓ

Vanzara arrested surat દીકરો સુરત surat