ધાર્મિક વિવાદ / વધુ એક સ્વામિનારાયણ મંદિરમાં હનુમાનજીને દાસ બતાવાયા, સુરેન્દ્રનગરનું વણીન્દ્ર ધામ આવ્યું વિવાદમાં

• એક પછી એક સ્વામિનારાયણ મંદિરમાં હનુમાનજીને દાસ બતાવાયા 
• વણીન્દ્રિમાં હનુમાનજી નિલકંઠવર્ણીને ફળ આપતા બતાવ્યા 
• સુરેન્દ્રનગરના છેવાડાના પાટડી તાલુકામાં આવ્યું છે વણીન્દ્રિ ધામ

એક પછી એક સ્વામિનારાયણ મંદિરમાં હનુમાનજીને દાસ બતાવાયાના દ્રશ્યો સામે આવી રહ્યાં છે. સાળંગપુર, કુંડળધામ બાદ સુરેન્દ્નગરના પાટડીમાં વણીન્દ્રિ ધામમાં હનુમાનજીને નિલકંઠવર્ણીના દાસ બતાવાયા છે. જો કે, જે સમગ્ર બાબતને લઈ વિરોધનો વંટોળ વધી રહ્યો છે. વણીન્દ્રિ ધામના ભીંતચિત્રમાં હનુમાનજી નિલકંઠવર્ણીને ફળ આપતા દર્શ્યો સામે આવ્યા છે.

પાટડીના વણીન્દ્રિ ધામ પણ વિવાદમાં
વણીન્દ્રિમાં હનુમાનજી નિલકંઠવર્ણીને ફળ આપતા બતાવ્યા છે. જે ચિત્રમાં જોઈ શકાય છે હનુમાનજી નિલકંઠવર્ણીની ભક્તિ કરી રહ્યાં છે. સંતો જણાવી રહ્યાં છે કે, સ્વામિનારાયણના મંદિરોમાં સનાતન ધર્મનું અપમાન થઇ રહ્યું છે, એક પછી એક સ્વામિનારાયણના મંદિરમાં ભગવાનનો ઉપહાસ થઈ રહ્યો છે. આપને જણાવી દઈએ કે, સુરેન્દ્રનગરના છેવાડાના પાટડી તાલુકામાં વણીન્દ્રિ ધામ આવેલું આવ્યું છે 

લાગણી દુભાઈ
સ્વામિનારાયણ મંદિર કુંડળધામમાં હનુમાનજીની મૂર્તિને મુદ્દે વિવાદ સર્જાયો છે. કુંડળધામમાં હનુમાનજી સ્વામિનારાયણ સંપ્રદાયના નિલકંઠવર્ણીને ફળાહાર અર્પણ કરતા દર્શાવાયા છે. કુંડળધામ સ્વામિનારાયણ મંદિરના પરિસરમાં પાર્કિંગ પાસેના નદીના પુલ પાસે બનાવાયેલા બગીચામાં આ પ્રકારે ઉલ્લેખ સાથેની મૂર્તિ મૂકવામાં આવી છે. જેને લઈને પણ લોકોની લાગણી દુભાઈ છે. 

શું છે સાળંગપુરનો વિવાદ ? 
યાત્રાધામ સાળંગપુર ખાતે હનુમાનજીની વિશાળ કદની પ્રતિમાના નીચે ભીંતચિત્રોને લઇને વિવાદ સર્જાયો છે. વિગતો મુજબ અહીં એક ભીંતચિત્રમાં હનુમાનજી સ્વામિનારાયણને બે હાથ જોડી વંદન કરતા દર્શાવાયા છે. આ સાથે  હનુમાનજીને માથે જે તિલક બનાવાયું છે તેને લઇને પણ ભારે ચર્ચાઓ જાગી છે.