વડોદરા / VIDEO : MS યુનિવર્સિટીની હોસ્ટેલમાં જમાવી દારુની મહેફિલ, પણ પી ન શક્યા, અધવચ્ચેથી ભાગ્યા વિદ્યાર્થીઓ

• MS યુનિવર્સિટીમાં ફરી વિદ્યાર્થીઓએ જમાવી દારૂની મહેફિલ
• હોસ્ટેલના રૂમમાં 3 વિદ્યાર્થીઓ દારૂની મહેફિલ માણતા ઝડપાયા
• રૂમમાંથી વિદેશી દારૂ ભરેલા ગ્લાસ મળી આવ્યા 

વડોદરાની MS યુનિવર્સિટીમાં ફરી વિદ્યાર્થીઓએ દારૂની મહેફિલ જમાવ્યાની ઘટના સામે આવી છે. હોસ્ટેલના રૂમમાં 3 વિદ્યાર્થીઓ દારૂની મહેફિલ માણતા ઝડપાયા છે. વિવિધ મુદ્દે ચર્ચામાં રહેતી MS યુનિવર્સિટી ફરી વિવાદમાં ઘેરાઈ છે. 

દારૂની મહેફિલ
હોસ્ટેલના રૂમમાં વિદ્યાર્થી દારૂની મહેફિલ માણતા ઝડપાયા હતાં. જે રૂમમાંથી વિદેશી દારૂ ભરેલા ગ્લાસ પણ મળી આવ્યા છે. તેમજ મહેફિલનો માહોલ બનાવવેલો હોય તેવા પણ દર્શ્યો સામે આવ્યા છે. જે સમગ્ર ઘટના પ્રકાશમાં આવતા 3 વિદ્યાર્થીઓ દારૂ છોડી નાસી છૂટ્યા હતા. સમગ્ર દેશભરમાં 77માં સ્વતંત્રતા પર્વની ઉજવણી કરવામા આવી રહી છે ત્યારે આવા નબીરા દારૂ પાર્ટીની મહેફિલ મનાવી રહ્યાં છે, જો કે, આ સમગ્ર ઘટનાના પગલે હોસ્ટેલમાં સિક્યોરિટી પર સવાલો ઉઠ્યા છે.

સિગારેટ પણ ફૂંકી રહ્યાં હતા
હોસ્ટેલની રૂમ નંબર 34માં વિદ્યાર્થીઓ દારૂની મહેફિલ માણી રહ્યાં હતા, એટલુ જ નહી પરંતુ સિગારેટ પણ ફૂંકી રહ્યાં હતા. જો કે, આવી પ્રવૃત્તિને લઈ હોસ્ટેલની સિક્યોરિટી પર સૌથી મોટા સવાલ ઉભા થયો છે. શિક્ષણના ધામમાં નશોની મહેફિલ તે સૌથી મોટો સળગતો સવાલ છે.