તમારા કામનું / UPI પેમેન્ટ માટે નહીં પડે સ્માર્ટફોનની જરૂર, આંગળીના ઈશારે થઈ જશે કામ, જાણો કઈ રીતે?

• UPI પેમેન્ટ માટે આવી સ્માર્ટ રિંગ્સ 
• જાણો કેવી રીતે કરશો તેનો ઉપયોગ 
• સાથે જ જાણો તેના ફાયદા 

ટેકનોલોજીમાં સતત વિકાસ થઈ રહ્યો છે. એક સમય હતો જ્યારે કોમ્પ્યુટર રૂમના કદના હતા. પછી સમય વીતતો ગયો, નવી ટેક્નોલોજી આવી અને કોમ્પ્યુટર પહેલા ડેસ્કટોપ અને પછી લેપટોપમાં ફેરવાઈ ગયું. આટલું જ નહીં લેપટોપ પર કરવામાં આવતા ઘણા કાર્યો માટે સ્માર્ટફોન લોન્ચ કરવામાં આવ્યો હતો. લોકો સ્માર્ટફોનનો ઉપયોગ કરવા લાગ્યા.

સ્માર્ટ રીંગથી થશે UPI પેમેન્ટ 
ટેક્નોલોજી સાથે જોડાયેલી વસ્તુઓ નાની અને સરળ બનાવવામાં આવી રહી છે. આમાં ઇયરફોન, ઘડિયાળો અને ફિટનેસ ટ્રેકર્સનો પણ સમાવેશ થાય છે. તેવી જ રીતે, હવે સ્માર્ટ આવી ગઈ છે, જેની મદદથી યુઝર્સ UPI પેમેન્ટ કરી શકે છે. આવો જાણીએ આ સ્માર્ટ રીંગ વિશે.

કેમ બનાવવામાં આવી સ્માર્ટ રિંગ?
Acemoney નામના એક સ્ટાર્ટઅપે તાજેતરમાં તિરુવનંતપુરમમાં કેરળ સ્ટાર્ટઅપ મિશનના એક સ્ટાર્ટઅપ કોન્ક્લેવમાં તેની સ્માર્ટ રિંગ રજૂ કરી. આ રિંગને લોન્ચ કરતી વખતે કંપનીએ કહ્યું કે સ્માર્ટ રિંગ પાછળનો ખ્યાલ એકદમ સરળ છે. 

તેનો હેતુ યુઝર્સને NFCનો ઉપયોગ કરીને વ્યવહાર કરવા સક્ષમ બનાવવાનો છે જ્યારે તેમની પાસે તેમનું કાર્ડ, વૉલેટ અથવા ફોન ન હોય. વધુમાં જણાવવામાં આવ્યું હતું કે આ રીંગ ખાસ એવા સમય માટે બનાવવામાં આવી છે જ્યારે કોઈ વ્યક્તિ પોતાનો ફોન અથવા એટીએમ કાર્ડ લાવવાનું ભૂલી જાય છે.

સ્માર્ટ રિંગના ફિચર્સ 
સ્માર્ટ રિંગ ઝિર્કોનિયા સિરામિકમાંથી બનાવવામાં આવી છે. તે હાઇપોઅલર્જેનિક છે અને તેમાં સ્ટ્રેચ પણ નથી પડતી. તેમજ તે વોટરપ્રૂફ છે. તેથી તમે તેને દરેક ઋતુમાં પહેરી શકો છો. આ રિંગમાં કોઈ બેટરી કે ચાર્જિંગ કમ્પોનન્ટ આપવામાં આવ્યું નથી, તેથી તમારે તમારી સાથે ચાર્જર લઈ જવાની જરૂર રહેશે નહીં. આ રિંગ NFC-ઈનેબલ્ડ છે. આનો અર્થ એ છે કે તે બ્લૂટૂથ કનેક્શન પર પણ નિર્ભર નથી.

કઈ રીતે કરશો ઉપયોગ? 
આ રિંગને ઈનેબલ કરવા માટે તમારે તમારા ફોન પર Acemoney એપ્લિકેશન ડાઉનલોડ કરવાની અને ચુકવણી કરવા માટે તમારા ડિજિટલ વૉલેટમાં મની એડ કરવાની જરૂર પડશે. એપ્લિકેશન પર આગળ તમારે તમારી રિંગમાં ફંડ ટ્રાન્સફર કરવા માટે "કોન્ટેક્ટલેસ"ને ઈનેબલ કરવાનું રહેશે. 

આ પ્રક્રિયા પૂર્ણ થયા પછી, તમારે પેમેન્ટ કરવા માટે તમારો ફોન તમારી સાથે રાખવાની જરૂર નથી. આ રીંગનો ઉપયોગ કરતી વખતે પેમેન્ટ કરતી વખતે યોગ્ય હાથનો ઉપયોગ કરવો જરૂરી છે. આ માટે તમારે તમારી આંગળીઓને એવી રીતે વાળવી પડશે કે જાણે તમે કોઈ દરવાજો ખટખટાવતા હોવ. પેમેન્ટ ટર્મિનલ પર તમારી આંગળી મૂકો. બીપ અવાજ આવે ત્યાં સુધી રાહ જુઓ.

આ રિંગ તમને માત્ર પેમેન્ટની સુવિધા જ નહીં, પણ સ્માર્ટ વોચ કોલ, વોટ્સએપ, સોન્ગ અને ઘણું બધું આપે છે. એવામાં આગામી સમયમાં રિંગમાં અન્ય સુવિધાઓ પણ ઉમેરવામાં આવી શકે છે.