- માનવીના આખા શરીરની હિલચાલના રહસ્યો પેશાબમાં છે છુપાયેલા
- શરીરના સારા,નરસા સંકેતો પેશાબમાંથી જાણી શકાય
- જાણો પેશાબના રંગ અને રોગના સંકેતો વિશે.
એવું માનવામાં આવે છે કે માનવીના આખા શરીરની હિલચાલના રહસ્યો પેશાબમાં છુપાયેલા છે. શરીરના તમામ સારા,નરસા સંકેતો પેશાબમાંથી જાણી શકાય છે. જેને લઈને તબીબો પણ અમુક સમયે દર્દીના પેશાબના રંગ વિશે સવાલ કરતા હોય છે. ત્યારે પેશાબના ઘણા રંગ અને સંકેતો એવા હોય છે જેને આપણે અવગણીએ છીએ પરંતુ તે ખરેખર ખરાબ સ્વાસ્થ્યનો સંકેત આપે છે. ત્યારે આવો જાણીએ પેશાબના રંગ અને રોગના સંકેતો વિશે.
ઓરેંજ રંગ
ઓરેંજ રંગનો પેશાબ આવવો એ આરોગ્ય માટે ખતરા સમાન છે. જો તમે ગ્લુકોઝનું સેવન ન કર્યું હોવા છતાં પેશાબનો રંગ ઓરેંજ આવે છે તો લીવર બરાબર કામ ન કરતું હોવાનો સંકેત છે આથી તબીબની સલાહ લેવી જોઈએ.
લાલ અને પિન્ક
બિતરૂટ અને બ્લેકબેરી ન ખાવા છતાં પેશાબનો રંગ લાલ કે ગુલાબી છે, તો સીધો અર્થ એવો થાય છે કે કા તો તમારી પ્રોસ્ટેટ મોટી થઈ છે અથવા તો ગાંઠ તથા કિડનીમાં પથ્થર હોવાનો ખતરો છે.
બ્લુ રંગ
કોઈ દવા ન લીધા છતાં પણ પેશાબનો રંગ બ્લુ છે, તો સૌમ્ય હાઈપરક્લેસીમિયાના રોગનો ખતરો છે. જે મોટા ભાગે બાળકોમાં બેક્ટરીયલ ચેપના કારણે થાય છે.
ડાર્ક બ્રાઉન
પેશાબનો રંગ ડાર્ક બ્રાઉન આવવોએ કિડનીના રોગો અથવા યુટીઆઈની સમસ્યાનું કારણ બની શકે છે. પરિણામે શરીરના કોઈપણ ભાગમાંથી રક્તસ્ત્રાવ પણ થઈ શકે છે.
ધૂંધળો અથવા હલ્કો રંગ
જો પેશાબનો રંગ ધૂંધળો અથવા હલ્કો રંગ છે તો તેનો અર્થ એ છે કે તમે પેશાબની નળીમાં ચેપ અથવા કિડનીની પથરીથી પીડાઈ શકો છો.
આછો ભુરો રંગ
ડાયાબિટીસના દર્દીઓના પેશાબનો રંગ આછો ભૂરો હોય છે. લોહીમાં ગ્લુકોઝનું પ્રમાણ વધી જાય છે ત્યારે શુગર પેશાબ વાટે બહાર આવવા આવતી હોવાથી રંગ બદલે છે.
