માવઠું / ખેડૂતોની 'હૈયા હોળી' ! સાળંગપુરમાં સાંબેલાધાર, ગુજરાતમાં ચાર ઠેકાણે ગાજવીજ સાથે કમોસમી વરસાદ

• રાજ્યના અનેક જિલ્લામાં કમોસમી વરસાદ
• બોટાદના સાળંગપુરમાં સાંબેલાધાર વરસાદ
• કમોસની વરસાદથી ખેડૂતોની ચિંતા વધી

રાજ્યમાં કમોસમી વરસાદને લઈ હવામાન વિભાગે આગાહી કરી છે. આજે ડાંગ, અમરેલી તેમજ ભાવનગર અને બોટાદ જિલ્લાના વિવિધ વિસ્તારમાં કમોસમી વરસાદ પડ્યો છે. કમોસમી વરસાદ પડતા જગતનો તાત ચિંતામાં મુકાયો છે. ખેતીના વિવિધ પાકોમાં નુકાસાનની ભીતિ સેવાઈ રહી છે.

બોટાદમાં ગાજવીજ સાથે વરસાદ
રાજ્યના અનેક જિલ્લામાં કમોસમી વરસાદ વરસી રહ્યો છે. ત્યારે બોટાદ શહેરમા પણ માવઠું થયું છે. સાળંગપુરમાં સાંબેલાધાર વરસાદ વરસ્યો છે તેમજ જિલ્લાના લાઠીદડ, કારીયાણી, સેથળી, સમઢીયાળા સહિત ગામોમાં ગાજવીજ સાથે કમોસમી વરસાદ પડ્યો છે. 

બોટાદ જિલ્લાના લાઠીદડ, કારીયાણી, સેથળી, સાળંગપુર, સમઢીયાળા સહિત ગામોમાં ગાજવીજ સાથે કમોસમી વરસાદ#botad #vtvgujarati #rain pic.twitter.com/UvvF77KCI1

— VTV Gujarati News and Beyond (@VtvGujarati) March 4, 2023

અમરેલીમાં કમોસમી વરસાદ
અમરેલીના ધારી ગીર પંથકમાં કમોસમી વરસાદ વરસ્યો છે. ધારીના ગોવિંદપુરમાં ધોધમાર વરસાદ વરસતા શેરીમાં નદીઓ થઇ વહેતી હોય તેવા દર્શ્યો સર્જાયા હતા. ગોવિંદપુર, સુખપુર, મીઠાપુર દલખાણીયામાં કમોસમી વરસાદ થયો છે. તેમજ ધારી શહેરમાં ધીમી ધારે વરસાદ થયો છે. અમરેલીના સાવરકુંડલાના ગ્રામ્ય વિસ્તારોમાં કમોસમી વરસાદ વરસતા લોકો ચિંતામાં મુકાયા છે. નાળ, રબારીકા, ઠવી, વીરડી તેમજ ધારી ગીર અને સાવરકુંડલા પંથકમાં કમોસમી વરસાદ વરસતા રવીપાકને નુકસાન થવાની ખેડૂતોને ભીતિ છે.

ભાવનગરમાં પણ માવઠું
ભાવનગરના વાતાવરણમાં પલટો આવ્યો છે. ઉમરાળા, વલ્લભીપુર પંથકમા વરસાદી છાંટા થયા છે.  પાલીતાળા,સોનગઢ અને જેસર તેમજ રંઘોળા,ઠોંડા,હડમતિયા અને લાખાવાડમાં કમોસમી વરસાદ થયો છે. કમોસમી વરસાદથી ખેડૂતોની ચિંતા વધી છે.

ડાંગમાં પણ કમોસમી વરસાદ
હવામાન વિભાગની આગાહીને પગલે ડાંગમાં પણ કમોસમી વરસાદ થયો છે. આહવામાં વરસાદ થતાં ડાંગ દરબારમાં મુશ્કેલી સર્જાઈ હતી. કમોસમી વરસાદને કારણે ખેતીના પાકને નુકસાન થવાની ભીતિ સેવાઈ રહી છે.