- કોંગ્રેસ સાંસદના ઘરેથી કરોડોની રોકડ જપ્ત મામલો
- કેન્દ્રીય ગૃહમંત્રી અમિત શાહે કોંગ્રેસ પર કર્યા પ્રહાર
- "કોંગ્રેસ મૌન હોવાનું કારણ તેમનો ભ્રષ્ટાચારી સ્વભાવ"
- આ મામલે JDU, RJD, DMK અને SP પણ મૌન : અમિત શાહ
આવકવેરા વિભાગે કોંગ્રેસના રાજ્યસભા સાંસદ ધીરજ સાહૂના ઠેકાણાઓ પર દરોડા પાડ્યા હતા. જેમાં રોકડ 300 કરોડ રકમ મળી આવ્યાની માહિતી છે. 6 ડિસેમ્બરના રોજ દરોડા પાડવામાં આવ્યા હતા. અત્યાર સુધીમાં 250 કરોડથી વધુની રોકડની ગણતરી કરવામાં આવી છે. મોટાભાગની રોકડ ઓડિશામાં આવેલ બૌધ ડિસ્ટિલરી પ્રાઈવેટ લિમિટેડના ઠેકાણાઓ પરથી જપ્ત કરવામાં આવી છે. જે કોંગ્રેસ સાંસદના ઘરેથી કરોડોની રોકડ મામલે કેન્દ્રીય ગૃહમંત્રી અમિત શાહનું નિવેદન સામે આવ્યું છે
'કોંગ્રેસ મૌન હોવાનું કારણ તેમનો ભ્રષ્ટાચારી સ્વભાવ છે'
કેન્દ્રીય ગૃહમંત્રી અમિત શાહ જણાવ્યું કે, આઝાદી પછી આટલી મોટી રકમ કોંગ્રેસ સાંસદના ઘરેથી મળી તે આશ્ચર્યજનક છે. આ મામલે I.N.D.I.A. ગઠબંધન કેમ ચુપ છે. તેમણે કહ્યું કે, કોંગ્રેસ મૌન હોવાનું કારણ તેમનો ભ્રષ્ટાચારી સ્વભાવ છે. આ મામલે JDU, RJD, DMK અને SP પણ મૌન છે. પ્રધાનમંત્રી મોદી વિરુદ્ધ અભિયાન ચલાવવાનું કારણ તેમના ભ્રષ્ટાચારની પોલ ખુલવાનો છે. તેમણે કહ્યું કે, હું તો માનું છું આ મામલે રાહુલ ગાંધી સહિતને જવાબ આપવો જોઈએ. અમારી લડાઈ 2014થી જ ભ્રષ્ટ્રાચાર વિરોધી છે.
200 બેગમાં રોકડ ભરી હતી
રોકડ પેક કરવા માટે લોખંડની તિજોરીઓ ઉપરાંત 200 બેગનો પણ ઉપયોગ કરવામાં આવ્યો હતો. ઝડપથી ગણતરી કરવા માટે 40 મશીનનો ઉપયોગ કરવામાં આવ્યો છે. જપ્ત કરેલ રોકડ રાજ્યની સરકારી બેન્ક સુધી પહોંચાડવા માટે અનેક ગાડીઓનો ઉપયોગ કરવામાં આવી રહ્યા છો. મીડિયા રિપોર્ટ અનુસાર 100થી વધુ કર્મચારીઓને બોલાંગિર જિલ્લામાં અલગ અલગ સ્થળો પર તહેનાત કરવામાં આવ્યા છે.
બંટી સાહૂના ઘરેથી 19 બેગ જપ્ત
ધીરજ સાહૂના ઘરેથી અન્ય 3 બેગ જપ્ત કરવામાં આવી છે. ઓડિશામાં દરોડા પાડવામાં આવતા દારૂના કારખાના મેઈન્ટેનન્સ પ્રાભરી બંટી સાહૂના ઘરેથી 19 બેગ જપ્ત કરવામાં આવી છે, જેમાં 20 કરોડથી વધુની રકમ હોઈ શકે છે.
