- સગા કાકાએ 6 વર્ષની ભત્રીજી પર દુષ્કર્મ આચર્યું
- દીકરીની માતાએ પોલીસ સ્ટેશનમાં ફરિયાદ નોંધાવી
- પૂછપરછમાં થયો ચોંકાવનારો ખુલાસો
કાકા ભત્રીજીના સંબંધોને લાંછન લગાડતો કિસ્સો અમદાવાદમાંથી સામે આવ્યો છે. સગા કાકાએ ફૂલ જેવી ભત્રીજી પર દુષ્કર્મ આચર્યું છે. નરાધમ કાકાની કરતૂતોથી 6 વર્ષની ભત્રીજી ડરી ગઈ હતી. જોકે, બાળકીએ સમગ્ર વાત માતાને કહેતા હક્કીત સામે આવી છે. કોણ છે કળિયુગના આ કાકા જેણે પોતાની ભત્રીજીને હવસનો શિકાર બનાવી. જોઈએ આ અહેવાલમાં
6 વર્ષની ભત્રીજી પર દુષ્કર્મ
અમદાવાદમાં 20 વર્ષીય કાકાએ પોતાની સગી ભત્રીજી પર દુષ્કર્મ આચર્યું છે. સગા કાકાએ કરેલી કરતૂતો સામે આવતા જ 6 વર્ષની દીકરીની માતાએ સોલા પોલીસ સ્ટેશનમાં ફરિયાદ નોંધાવી છે. ઘટનાની વાત કરીએ તો ઘરમાં 6 વર્ષની બાળકી એકલી હતી અને માતા-પિતા બહાર ગયા હતા, ત્યારે ઘરમાં કાકા રાહુલ હતા. જ્યારે બાળકીને એકલતાનો લાભ લઇ સગા નરાધમ કાકાએ બાળકીને અડપલાં કરી દુષ્કર્મ આચર્યું હતું.
માતાએ નોંધાવી ફરિયાદ
બાદમાં ગત મોડી રાત્રે છ વર્ષની બાળકી અચાનક જ રડતા તેની માતા પાસે પહોંચી અને શરીરમાં દુખાવો થતો હોવાની રજૂઆત કરી હતી. જે અંગે માતા એ પૂછપરછ કરતા બાળકીએ કહ્યું હતું કે કાકાએ તેની સાથે કોઈ ગંદુ કામ કર્યું હતું. જે અંગે પોલીસને જાણ થતા સોલા પોલીસે પોક્સો અને બળાત્કારની કલમો હેઠળ ગુનો નોધી બળાત્કારી કાકાની ધરપકડ કરી છે.
પોલીસે નરાધમની કરી ધરપકડ
સોલા પોલીસ મથકે બળાત્કારની રજૂઆત લઇ પહોંચેલા માતા પિતાની હકીકત જાણ્યા બાદ પોલીસે બળાત્કારના આરોપીને ઘર નજીકથી જ ઝડપી પાડ્યો હતો. જેમાં પૂછપરછ કરતા હકીકત સામે આવી કે આરોપીએ પોતાના મોબાઈલમાં અશ્લીલ વીડિયો જોયા બાદ ભત્રીજી સાથે દુષ્કર્મ આચર્યું હતું. જેથી પોલીસે બળાત્કારના ગુનામા કાકાની ધરપકડ કરી વધુ કાર્યવાહી હાથ ધરી છે. પકડાયેલ આરોપી મૂળ રાજસ્થાનનો છે પણ અમદાવાદમાં તેના ભાઈ સાથે રહે છે અને મજૂરી કામ કરે છે. છેડતી અને બળાત્કાર જેવા ગંભીર ગુનાઓમાં મોટાભાગના કેસમાં ભોગ બનનારના પરિચિત જ આરોપી હોવાનું સામે આવ્યું છે. ત્યારે અજાણ્યા યુવકોની નજરોથી બચી જતી સગીરા અને મહિલાઓ પરિચિતની હવશથી કેવી રીતે બચશે તે એક મોટો પ્રશ્ન છે.
