શોકનો માહોલ / આણંદના ખંભાતમાં ગણેશ વિસર્જનમાં દુર્ઘટના: વીજ કરંટ લાગતા બે યુવકોના મોત, જુઓ શું બન્યું

• ખંભાતમાં ગણેશ વિસર્જન દરમ્યાન સર્જાઈ દુર્ઘટનાં
• બે યુવકોને કરંટ લાગતા મોત નિપજ્યા
• શહેરમાં ગણેશ વિસર્જનની યાત્રા દરમ્યાન બની ઘટના

10 દિવસ પૂજા અર્ચના કર્યા બાદ આજે રાજ્યભરમાં ધામધૂમથી ગણેશજીની પ્રતિમાઓનું વિસર્જન કરવામાં આવ્યું.. અમદાવાદમાં રિવરફ્રન્ટ પર ગણેશ વિસર્જન માટે કુંડ બનાવવામાં આવ્યા હતા.. તો મોટી મૂર્તિઓને નદીઓમાં વિસર્જન કરવામાં આવી રહી છે. ત્યારે રાજકોટ, વડોદરા અને સુરતમાં પણ ગણેશજીની પ્રતિમાના વિસર્જન માટે ભાવિક ભક્તો ઉમટી પડ્યા હતા.. ડીજે, નગારાના તાલે નાચતા ગાતા ભક્તો વિસર્જન યાત્રામાં જોડાયા હતા. અને અશ્રુ ભિની આંખે વિઘ્નહર્તાને વિદાય આપી હતી. તો આણંદનાં ખંભાતમાં પણ ગણેશ વિસર્જનની યાત્રા નીકળી હતી

 ગણેશ વિસર્જન યાત્રા દરમ્યાન દુર્ઘટનાં સર્જાઈ

 આણંદનાં ખંભાતમાં ગણપતિની સ્થાપના કરવામાં આવી હતી. ત્યારે આજે અનંત ચતુર્દર્શી હોઈ ગણપતિ વિસર્જનનાં કાર્યક્રમનું આયોજન કરવામાં આવ્યું હતું. ત્યારે સૌ કોઈ ભક્તિમય માહોલમાં ભગવાનની યાત્રા નીકળી હતી. ગણેશ વિસર્જન યાત્રા દરમ્યાન દુર્ઘટનાં સર્જાતા લોકોમાં શોકનો માહોલ વ્યાપી જવા પામ્યો હતો.
યુવકોનાં મોત નિપજતા પરિવારજનોમાં શોકનો માહોલ
ગણેશ વિસર્જનની યાત્રા દરમ્યાન બે યુવકોને કરંડ લાગતા બંને યુવકોને તાત્કાલીક સારવાર અર્થે હોસ્પિટલ ખસેડવામાં આવ્યા હતા. જ્યાં ફરજ પરનાં તબીબ દ્વારા તેઓની તપાસ હાથ ધરતા બંને યુવકોનાં મોત નિપજ્યા હતા. ત્યારે આ અંગેની જાણ યુવકોનાં પરિવારજનો તેમજ મિત્ર વર્તુળમાં થતા લોકોમાં શોક વ્યાપી ગયો હતો.