Share Market / Closing Bell: શેર માર્કેટ ઐતિહાસિક સપાટીએ બંધ, સેન્સેક્સ 72 હજારને પાર, મેટલ-ઑટો સેક્ટરના શેરોમાં તેજી

• ભારતીય શેરબજારમાં આજે ધમાકેદાર તેજી
• મોટાભાગનાં શેરો આજે લીલીઝંડી પર બંધ
• સેંસેક્સે 72000નો ઐતિહાસિક આંકડો પાર કર્યો

આજે ભારતીય શેરબજારમાં જોરદાર તેજીનો માહોલ જોવા મળ્યો હતો. પરિણામે તમામ પ્રમુખ ઈંડેક્સ પોતાના ઐતિહાસિક હાઈ પર પહોંચ્યાં હતાં. સેંસેક્સ 72000નાં આંકડાને પાર કરવામાં સફળ રહ્યું તો નિફ્ટી 21675નાં આંકડાનાં નવા હાઈ પર પહોંચ્યું હતું. બેંક નિફ્ટીનાં શેરોમાં પણ આજે લીલીઝંડીઓ જોવા મળી હતી. ટ્રેડિંગનાં અંતમાં આજે BSE સેંસેક્સ 701 અંકોનાં ઊછાળા સાથે 72038 અને નેશનલ સ્ટોક એક્સચેંજનો નિફ્ટી 206 અંકોનાં ઊછાળા સાથે 21675 અંકો પર બંધ થયું.

Sensex ends above 72,000 mark for first time; Nifty jumps 213.40 points to settle at an all-time high of 21,654.75

— Press Trust of India (@PTI_News) December 27, 2023

આ સ્ટોક્સમાં તેજી
આજનાં ટ્રેડિંગમાં મિડકેપ, સ્મોલકેપ શેરોમાં ખરીદી જોવા મળી જ્યારે ઑટો, મેટલ, બેંકિંગનાં શેરોમાં તેજી જોવા મળી હતી. IT, રિયાલ્ટી, ફાર્માનાં શેરોમાં પણ ખરીદીનો માહોલ જળવાયો હતો.  આજે Hindalco Industries, UltraTech Cement, Bajaj Auto, JSW Steel અને Tata Motors નિફ્ટીનાં ટોપ ગેનર્સ રહ્યાં. જ્યારે ONGC, NTPC, ADANI ENTERPRISES, UPL અને ADANI PORTS નિફ્ટીનાં ટોપ લુઝર્સ રહ્યાં. ઓયલ એન્ડ ગેસ અને પાવરને છોડીને આજે તમામ સેક્ટરમાં હરિયાળી જોવા મળી હતી.