- વરસાદ વેરી બનતા ઓગણજમાં ધીરેન્દ્ર શાસ્ત્રીનો આજનો પ્રોગ્રામ કેન્સલ
- કલાકાર કિંજલ દવે, હિન્દુ મહાસભાના સંતો પણ રવાના
- હિંદુ અગ્રણીઓ પણ કાર્યક્રમ અધવચ્ચે મુકીને રવાના
બાગેશ્વર સરકાર તરીકે ઓળખાતા બાગેશ્વર ધામના ધીરેન્દ્ર શાસ્ત્રી છેલ્લા 3-4 દિવસથી ગુજરાતની મુલાકાતે આવ્યા છે.આ દરમિયાન તેઓ અમદાવાદ, સુરત સહિતના જુદા જુદા સ્થળોએ દરબાર યોજી રહ્યા છે. ત્યારે વરસાદ વેરી બનતા અમદાવાદના ઓગણજમાં ધીરેન્દ્ર શાસ્ત્રીનો પ્રોગ્રામ કેન્સલ કરવાની નોબત આવી હતી. ધમાકેદાર વરસાદને કારણે લોકો અધવચ્ચે કાર્યક્રમથી બહાર દોડી આવ્યા હતા. મહત્વનું છે કે ભારે ભવન સાથે વરસાદથી મંડપમાં પાણી ઘૂસી જતા અવ્યવસ્થાથી સર્જાઈ હતી. લોકોએ વરસાદથી બચવા ખુરશીઓ માથે ઓઢી હોય તેવા પણ દ્રશ્યો સર્જાયા હતા.
લોકો અધવચ્ચ્ચે કાર્યક્રમથી બહાર નિકળ્યા
ઓગણજમાં બાબાના પ્રોગ્રામને લઈને કલાકાર કિંજલ દવે, હિંદુ મહાસભાના સંતો સહિતના અનેક આગેવાનો આવ્યા હતા. આ દરમિયાન ઓગણજમાં ભારે ભવન સાથે વરસાદે તોફાની બેટિંગ શરૂ કરતા હિંદુ અગ્રણીઓ પણ કાર્યક્રમ અધવચ્ચે મૂકીને રવાના થઈ ગયા હતા. મહત્વનું છે કે આજનો કાર્યક્રમ કેન્સલ કરવામાં આવ્યો છે. જોકે આવતીકાલે પણ દરબાર અંગે આયોજન કરાયું હતું. જોકે આવતીકાલ (તા.29 મેં) ના આયોજન અંગે આયોજકો દ્વારા સત્તાવાર રીતે કોઈ ફોડ પાડવામાં આવ્યો નથી! જો વરસાદી વિધ્ન ન આવે તો 29 મેનો કાર્યક્રમ રાબેતા મુજબ યોજાઇ શકે છે.
ઓગણજ, ચાંદખેડા, ગોતા, થલતેજ, શીલજ, બોપલમાં વરસાદ
આજે સાંજે 6 :30 વાગ્યા બાદ વાતાવરણમાં પલ્ટો આવ્યો હતો. બાદમાં અમદાવાદમાં વરસાદી માહોલ વચ્ચે સેટેલાઈટ, એસજી હાઇવે, વસ્ત્રાપુર, સરખેજ સહિતના વિસ્તારોમાં ભારે પવન સાથે વરસાદ શરૂ થયો હતો. બાદમાં બોડકદેવ, ઈસનપુર, શાહપુર,જશોદાનગર હાટકેશ્વર, બોપલ, ઘુમા, શીલજ, જીવરાજપાર્ક, ઘાટલોડિયા, ચાંદલોડિયા, વાડજ, અખબારનગર, RTO સર્કલ, ચાંદખેડા, વસ્ત્રાલ, ખાડિયા, મણિનગર,રાયપુરમાં વરસાદ પડતા માર્ગો પરથી પાણી ચાલતા થયા હતા.બીજી તરફ વરસાદને કારણે શહેરના અનેક વિસ્તારોમાં ટ્રાફિકજામના દ્રશ્યો સર્જાયા હતા.
