મહામારી / ગુજરાતમાં કોરોનાની ગરમી નીકળી ગઈ, આજે નવા 254 કેસ, અમદાવાદમાં એક દર્દીનું મોત, જુઓ કયા જિલ્લામાં કેટલા કેસ

• રાજ્યમાં આજે કોરોનાના વધુ 254 કેસ, એક મોત
• હાલ ગુજરાતમાં કોરોનાના એક્ટિવ કેસની સંખ્યા 1917 કેસ
• કોરોનાથી ગંભીર અસરગ્રસ્ત કુલ 6 વેન્ટિલેટર પર 

કોરોનાને લઈને સ્થિતિ દિવસેને દિવસે વણસતી જઇ રહી છે. જોકે આજના આકડા રાહતરૂપ છે. આવી સ્થિતિ વચ્ચે રાજ્યમાં આજે કોરોનાના વધુ 254 કેસ નોંધાયા હોવાનું સામે આવ્યું છે. બીજી બાજુ એક દર્દીઓએ કોરોના સામે જિંદગીનો જંગ હાર્યો હોવાનું સામે આવ્યા તંત્રની ચિંતામાં વધારો થયો છે. હાલ ગુજરાતમાં કોરોનાના એક્ટિવ કેસની સંખ્યા 1917 કેસ પર સ્થિર થઈ હોવાનું સતાવાર રીતે જાહેર થવા પામ્યું છે.

અમદાવાદ શહેરમાં 73 કેસ, એક દર્દીનું મૃત્યુ

શહેર જિલ્લા વાર કોરોના કેસની વાત કરવામાં આવે તો અમદાવાદ શહેરમાં 73 કેસ નોંધાયા છે. જ્યા એક દર્દીનું મૃત્યુ નીપજ્યું છે. તો વડોદરા શહેરમાં 30, સુરત શહેરમાં 28 કેસ સુરત, ગ્રામ્યમાં 18 કેસ, ગાંધીનગર ગ્રામ્યમાં 11, મહેસાણામાં 10 કેસ, અમરેલીમાં 8 કેસ નોંધાયા છે. વધુમાં વલસાડમાં 8 કેસ, પાટણમાં 7 કેસ, બરકાંઠામાં 7 કેસ, વડોદરા ગ્રામ્યમાં 7 કેસ, ભરૂચમાં, 6 કેસ, ભાવનગર શહેરમાં 6 કેસ, ગાંધીનગર શહેરમાં 6 કેસ, નવસારીમાં 5 કેસ, આણંદમાં 4 કેસ, મોરબીમાં 4, કચ્છમાં 3 કેસ. અમદાવાદ ગ્રામ્યમાં 2 કેસ, ગીર સોમનાથમાં 2 કેસ નોંધાયા છે.

વધુમાં પંચમહાલ, પોરબંદર, રાજકોટ ગ્રામ્યમાં 2-2 કેસ, જામનગર ગ્રામ્યમાં, ખેડા, રાજકોટ ગ્રામ્યમાં એક-એક કેસ સામે આવ્યા છે. બીજી તરફ કોરોનાથી ગંભીર અસરગ્રસ્ત થયેલા કુલ 6 દર્દીઓ હાલ વેન્ટિલેટર પર સારવાર લઈ રહ્યા છે.