- તારક મહેતા...શો દ્વારા ઘરે ઘરે લોકપ્રિય બન્યા દિલીપ જોશી
- એક ગુજરાતી ફિલ્મ માટે ઘટાડ્યુ હતુ 16 કિલો વજન
- ફિલ્મોમાં કામ કરતા પહેલા ટ્રાવેલ એજન્સીમાં
Dilip Joshi On Weight Loss:ટીવી ઈન્ડસ્ટ્રીના ફેમસ એક્ટર દિલીપ જોશીએ જેઠાલાલના પાત્રથી લોકોના દિલોમાં એક ખાસ જગ્યા બનાવી લીધી છે. તે છેલ્લા ઘણા સમયથી પોતાના શો 'તારક મહેતા કા ઉલ્ટા ચશ્મા' દ્વારા ચાહકોનું મનોરંજન કરી રહ્યાં છે. આ શો પહેલા દિલીપ જોશી ફિલ્મોમાં પણ કામ કર્યુ છે. પરંતુ તેને ઘર ઘરમાં જાણીતા તો 'તારક મહેતા કા ઉલ્ટા ચશ્મા'એ જ બનાવ્યા છે. હવે અભિનેતાએ એક રસપ્રદ કિસ્સો શેર કર્યો છે કે, તેમણે રાતો રાત કેવી રીતે એક જ ફિલ્મમાં પોતાના રોલ માટે વજન ઘટાડ્યુ હતું.
ફિલ્મમાં રોલ માટે ઘટાડ્યુ હતુ વજન
એક ઈન્ટરવ્યુ દરમિયાન દિલીપ જોશીએ કહ્યું હતું કે, મેં એક ગુજરાતી ફિલ્મ કરી હતી. તેનું ટાઇટલ 'હું હુંશી હુંશીલાલ' (Hun Hunshi Hunshilal)હતું. તે એક ફેસ્ટિવલ ટાઇપની ફિલ્મ હતી, જેમાં 35-36 ગીતો હતા. તે પોલિટિકલ સટાયર ટાઇપની ફિલ્મ હતી. આ ફિલ્મના રોલ માટે મારે મારું વજન ઘટાડવું પડ્યું હતું.
દિલીપ જોશીએ આ રીતે ઓછુ કર્યુ પોતાનુ વજન
દિલીપ જોશીએ વધુમાં જણાવ્યું હતું કે, તે સમયે હું નોકરી કરતો હતો અને ફિલ્મમાં તેમના રોલની તૈયારી પણ કરતો હતો. તેમણે આગળ ઉમેર્યું હતું કે, તે દિવસોમાં હું મારું સ્કૂટર પાર્ક કરતો હતો અને પછી સ્વિમિંગ ક્લબમાં કપડાં બદલ્યા બાદ હું વરસાદમાં મરીન ડ્રાઇવ પરની ઓબેરોય હોટેલ સુધી આખો રસ્તો જોગિંગ કરતો હતો અને ચાલતા ચાલતા જ પાછો જતો હતો. તેમાં 45 મિનિટનો સમય લાગતો હતો. આ રીતે મેં દોઢ મહિનામાં જ મારું 16 કિલો વજન ઘટાડ્યું હતું. અભિનેતાએ વધુમાં કહ્યું હતું કે, હળવો વરસાદ પડી રહ્યો હતો, સૂર્યાસ્ત થઈ રહ્યો હોય અને સુંદર વાદળો દેખાતા હતા, તે સમય ખૂબ જ અદભુત હતો.
ટ્રાવેલ એન્જસીમાં કામ કરતા હતા દિલીપ જોશી
દિલીપ જોશીએ પોતાના જૂના દિવસોને યાદ કરતા જણાવ્યું કે, એક્ટર બનતા પહેલા પાંચ વર્ષ સુધી ટ્રાવેલ એજન્સીમાં કામ કર્યું હતું. આ કામ તેમણે વર્ષ 1985 થી 1990 દરમિયાન કર્યું હતું. ઉલ્લેખનીય છે કે, 'હું હુંશી હુંશીલાલ' (Hun Hunshi Hunshilal)એક ગુજરાતી પોલિટિકલ સટાયર ફિલ્મ હતી. આ ફિલ્મમાં દિલીપ જોશી ઉપરાંત રેણુકા શહાણે, મનોજ જોશી અને મોહન ગોખલે જેવા સ્ટાર્સે કામ કર્યું હતું.
