- ભગવાન વિષ્ણુની પૂજા કરવાથી વિવાહિત મહિલાઓને સુખ અને સૌભાગ્ય પણ પ્રાપ્ત થાય છે
- ગુરુવારે આ ઉપાય કરવાથી અવિવાહિત કન્યાઓને મનગમતો વર મળે છે
- અવિવાહિત કન્યાઓએ પીળા રંગના કપડા જરૂરિયાતમંદોને દાન કરવા
Thursday upay for marriage: મનગમતો જીવનસાથી મળે તે દરેક યુવતીનું સપનું હોય છે. પરંતુ ક્યારેક ગ્રહોની સ્થિતિ એટલી વિપરિત હોય છે કે લગ્નની ઉંમર થઈ ગયા પછી પણ યોગ નથી બની શકતા. કાં તો સારો વર નથી મળતો અથવા તો કેટલીક વાર ખાતરી થયા પછી પણ સંબંધ તૂટી જાય છે. આનાથી મન ખૂબ દુઃખી થાય છે. પરંતુ જ્યોતિષશાસ્ત્રમાં ગુરુવાર માટે આવા ઘણા ઉપાય જણાવવામાં આવ્યા છે, જેને કરવાથી અપરિણીત છોકરીઓના લગ્નમાં આવતી અડચણો દૂર થઈ શકે છે.
ગુરુવારે ભગવાન વિષ્ણુની પૂજા કરવાથી માત્ર ધનમાં વધારો જ નથી થતો, પરંતુ વિવાહિત મહિલાઓને સુખ અને સૌભાગ્ય પણ પ્રાપ્ત થાય છે. ગુરુવારે વ્રત અને પૂજા કરવાથી કુંડળીમાં ગુરુની નબળી સ્થિતિ મજબૂત બને છે. સાથે નોકરી ધંધામાં ઈચ્છિત સફળતા પણ પ્રાપ્ત થાય છે. ગુરુવારે આ ઉપાય કરવાથી અવિવાહિત કન્યાઓને મનગમતો વર મળે છે.
1. જો અપરિણીત છોકરીઓ ગુરુવારે પીળા ચણાની દાળનું દાન કરે તો તેનાથી સુખ-સમૃદ્ધિ તો મળે જ છે, પરંતુ તેમના લગ્નજીવનમાં આવતી અડચણો પણ દૂર થાય છે. અવિવાહિત છોકરીઓએ આ ઉપાય અવશ્ય કરવો.
2. જો કુંડળીમાં ગુરુની સ્થિતિ નબળી હોય તો અવિવાહિત કન્યાઓએ પીળા રંગના કપડા જરૂરિયાતમંદોને દાન કરવા જોઈએ. આમ કરવાથી તેમના લગ્નનો યોગ બનવા લાગશે અને ભગવાન વિષ્ણુ લગ્નની વચ્ચે આવનારી અડચણો દૂર કરશે.
3. જરૂરિયાતમંદ બાળકોને સ્ટેશનરીનું દાન કરવું એ પણ સારો ઉપાય છે. બાળકોને ભણાવવાથી પણ ગુરુ બળવાન બને છે. જો લગ્નનો યોગ નથી બની રહ્યો તો ગુરુવારે આ ઉપાય અવશ્ય કરો.
4. જો અપરિણીત છોકરીઓ પીળા ચંદનનું દાન કરે છે, તો લગ્નમાં આવનારી અડચણોને દૂર કરવાનો પણ આ એક સારો ઉપાય છે. ગરીબ અને ભૂખ્યાને ભોજન કરાવવાથી કુંડળીમાં ગુરુની સ્થિતિ પણ મજબૂત બને છે.
5. લગ્નમાં આવતા અવરોધોને દૂર કરવા માટે ગુરુવારે પીળા વસ્ત્રો પહેરો અને પીળા રંગનું (પીળા રંગની વાનગીઓ) ભોજન કરો. સાથે જ પીળા વસ્ત્રોનું દાન કરો. આ દિવસે બને ત્યાં સુધી પીળી વસ્તુઓનો ઉપયોગ કરો. જેના કારણે હાથ પીળા થવાના યોગ પણ જલ્દી બનશે.
6. લગ્નજીવનમાં સમસ્યા આવી રહી હોય કે લગ્ન ના થતા હોય તો ગુરુવારે પાણીમાં એક ચપટી હળદર મિક્સ કરીને સ્નાન કરો. આ સાથે શ્રી હરિ ટૂંક સમયમાં યોગ્ય વરની શોધ પૂર્ણ કરશે.
7. ગુરુવારે ભગવાન વિષ્ણુને હળદર અર્પણ કરવી એ પણ સારો ઉપાય છે. 11 ગુરુવાર સુધી ભગવાનને હળદરનું તિલક લગાવવાથી લગ્નમાં આવતી બાધાઓ દૂર થાય છે.
DISCLAIMER: ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. આથી અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી અમારી નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.
