ફિક્સ પગારનો મુદ્દો ગુજરાતમાં ઘણા વર્ષોથી ચર્ચામાં છે. અનેક રજૂઆત આંદોલન થયા, મામલો સુપ્રીમકોર્ટમાં પડતર છે પણ હજુ સુધી તેનો ઉકેલ ઝાંઝવાના જળ જેવો છે. સાવ એવુ પણ નથી કે સરકાર આ મામલે ગંભીર નથી. સમયાંતરે ફિક્સ-પે સ્કેલ વધારીને ફિક્સ પગારના કર્મચારીઓને સરકાર ખુશ કરવાનો પ્રયત્ન કરે છે, એટલુ જ નહીં પણ કરાર આધારીત અને ફિક્સ-પેથી ભરતી નાબૂદીની વિચારણાં પણ ચાલી રહી છે, દર બજેટમાં તેના માટે અલગથી ફાળવણીની પણ વાત થાય છે. પરંતુ હજુ સુધી ફિક્સ-પેના કર્મચારીઓ માટે એ સૂરજ ઉગ્યો નથી. ફિક્સ પગારમાં અનેક વિસંગતતાઓની રજૂઆત કર્મચારી મહામંડળે વખતો વખત કરી ત્યારે રાજ્ય સરકારને શું હવે આ નીતિ કરકસરના નામે પસંદ આવી ગઈ છે કે કેમ.. ફિક્સ પગાર નાબૂદી અંગે જો સરકાર વિચારી શક્તી હોય તો તેની અમલવારીમાં અડચણ શું છે.. વર્ગ-3ના કર્મચારીઓ જે નિયમિત ભરતીથી આવે છે તેનો અજમાયશી સમય અને વર્ગ-3ના ફિક્સ પગારના કર્મચારીઓના અજમાયશી સમયમાં ફેરફાર કેમ.. સરકાર આ બાબતે નક્કર સ્ટેન્ડ ક્યારે લેશે.
- ફિક્સ-પે નાબૂદી માટે સરકારને રજૂઆત
- રાજ્ય કર્મચારી મહામંડળે મુખ્યમંત્રી, મુખ્યસચિવને રજૂઆત કરી
- ફિક્સ પગારથી કર્મચારીઓનું શોષણ થતું હોવાની રજૂઆત
ફિક્સ-પે નાબૂદી માટે સરકારને રજૂઆત કરી છે. રાજ્ય કર્મચારી મહામંડળે મુખ્યમંત્રી, મુખ્યસચિવને રજૂઆત કરી છે. ફિક્સ પગારથી કર્મચારીઓનું શોષણ થતું હોવાની રજૂઆત કરી છે. વર્ગ-3ના કર્મચારીઓને નજીવા પગારમાં નુકસાન થતું હોવાની રજૂઆત કરી છે. ફિક્સ પગારનો સમયગાળો પણ કુદરતી ન્યાયના સિદ્ધાંતની વિરુદ્ધ હોવાની રજૂઆત છે.
- વર્ગ-3ના કર્મચારીઓ નજીવા પગારે મહત્વની જવાબદારી નિભાવે છે
- ફિક્સ-પેના કર્મચારીઓ અન્ય સમકક્ષ જગ્યાએ જોડાય તો હાલના લાભ જોડાતા નથી
- કર્મચારીના પાંચ વર્ષ દરમિયાનના ઈજાફા ગણતરીમાં લેવાતા નથી
કર્મચારી મંડળની રજૂઆત શું છે?
વર્ગ-3ના કર્મચારીઓ નજીવા પગારે મહત્વની જવાબદારી નિભાવે છે. ફિક્સ-પેના કર્મચારીઓ અન્ય સમકક્ષ જગ્યાએ જોડાય તો હાલના લાભ જોડાતા નથી. કર્મચારીના પાંચ વર્ષ દરમિયાનના ઈજાફા ગણતરીમાં લેવાતા નથી. વર્ગ-1, વર્ગ-2ના કર્મચારીનો અજમાયશી બે વર્ષ જયારે વર્ગ-3માં 1 વર્ષનો સમય છે. વર્ગ-3ના ફિક્સ પગારદારોનો અજમાયશી સમય 5 વર્ષનો છે તે મોટી વિસંગતતા છે. ફિક્સ પગારને કારણે કર્મચારીઓને મોટુ નાણાંકીય નુકસાન થઈ રહ્યું છે.
- ગુજરાતમાં વર્ષ 1998-1999માં ફિક્સ પગારની નીતિ અમલમાં આવી
- જે તે સમયે રાજ્ય સરકારનો હેતુ કરકસરનો હતો
- 1998-1999માં પ્રાથમિક શિક્ષકોની ભરતીથી ફિક્સ પગારની નીતિ શરૂ થઈ
રાજ્યમાં ફિક્સ-પેની નીતિ ઉડતી નજરે
ગુજરાતમાં વર્ષ 1998-1999માં ફિક્સ પગારની નીતિ અમલમાં આવી છે. જે તે સમયે રાજ્ય સરકારનો હેતુ કરકસરનો હતો. 1998-1999માં પ્રાથમિક શિક્ષકોની ભરતીથી ફિક્સ પગારની નીતિ શરૂ થઈ. ફિક્સ પગારની નીતિ તબક્કાવાર રાજ્ય સરકારના વિભાગોમાં દાખલ થઈ છે. વર્ષ 2000 થી 2004 સુધીમાં જુદા-જુદા વિભાગોમાં આ નીતિ લાગુ થઈ હતી. વર્ષ 2006થી રાજ્યના તમામ વર્ગ-3 અને 4ના કર્મીઓની નિમણૂંક ફિક્સ પગારથી થાય છે.
- ફિક્સ પગારના કર્મચારીઓનો છ વર્ષથી પગાર વધારો થયો નથી
- છેલ્લો પગાર વધારો 2017માં કરવામાં આવ્યો હતો
- છ વર્ષનો સમય પસાર થયા છતા પગાર વધારા અંગે સમીક્ષા થઈ નથી
સચિવાલય સ્ટાફ એસો.ની શું હતી રજૂઆત?
ફિક્સ પગારના કર્મચારીઓનો છ વર્ષથી પગાર વધારો થયો નથી. છેલ્લો પગાર વધારો 2017માં કરવામાં આવ્યો હતો. છ વર્ષનો સમય પસાર થયા છતા પગાર વધારા અંગે સમીક્ષા થઈ નથી. સુપ્રીમકોર્ટનો ચુકાદો ન આવે ત્યાં સુધી ફિક્સ પગાર નીતિ નાબૂદ કરવી. અન્ય રાજ્ય જેવી અનુકૂળ ફિક્સ-પે નીતિ બનાવવી.
આ વિસંગતતા કેમ દૂર કરવી?.
| વર્ષ |
2017 |
| પોસ્ટ |
નાયબ સેક્શન અધિકારી
|
| ફિક્સ પગાર |
38090 |
| નિયમિત પગાર |
46275 |
| હાલનો નિયમિત પગાર |
71014 |
| |
|
| વર્ષ |
2017 |
| પોસ્ટ |
ઓફિસ આસિસ્ટન્ટ
|
| ફિક્સ પગાર |
19950 |
| નિયમિત પગાર |
22965 |
| હાલનો નિયમિત પગાર |
36654 |
