પીરિયડ્સનાં સમયે ઘણીવાર જોવા મળ્યું છે કે છોકરીઓ અને મહિલાઓને દર મહિને પીડા અને અન્ય માનસિક સમસ્યાઓનો સામનો કરવો પડે છે. હાલમાં જ આને લગતો એક ચોંકાવનારો કિસ્સો સામે આવ્યો છે. થયું એવું કે 26 માર્ચે એક છોકરીએ પ્રથમ પીરિયડ્સ આવતાની સાથે જ આત્મહત્યા કરી લીધી હતી. નિષ્ણાતોના મતે, પીરિયડ્સ દરમિયાન પીડા અને તણાવને કારણે છોકરીઓ અને મહિલાઓ ખૂબ જ પરેશાન રહે છે, જેથી તે સમયે તેમને સમજવાની અને તેમની સાથે વાત કરવાની જરૂર છે.
PMS એટલે કે પ્રિમેન્સ્ટ્રુઅલ સિન્ડ્રોમ કેટલીક સ્ત્રીઓ અથવા છોકરીઓમાં પીરિયડ્સ દરમિયાન જોવા મળે છે. તેના ઘણા પ્રકારના લક્ષણો હોય છે જેમ કે મૂડમાં ફેરફાર, કોમળ સ્તનો, વારંવાર ભૂખ લાગવી, થાક, ચીડિયાપણું અને હતાશા વગેરેનો સમાવેશ થાય છે. એવો અંદાજ છે કે દર 4 માંથી 3 સ્ત્રીઓ તેમના પીરિયડ્સ દરમિયાન અમુક પ્રકારના પ્રીમેન્સ્ટ્રુઅલ સિન્ડ્રોમને અનુભવ કરે છે. જો કોઈ છોકરી અથવા સ્ત્રીમાં આ લક્ષણ જોવા મળે છે, તો આ સમયે તેમને સપોર્ટ કરવાની જરૂર છે.
PMSનાં લક્ષણો ખતરનાક છે
રીપોર્ટસનાં અનુસાર જ્યારે છોકરીઓ અને સ્ત્રીઓને પીરિયડ્સ આવવાનું શરૂ થાય છે, ત્યારે કેટલાક લોકોમાં PMS એટલે કે પ્રિમેન્સ્ટ્રુઅલ સિન્ડ્રોમ જોવા મળે છે અને આ નોર્મલ છે. આમાં બે પ્રકારના લક્ષણો જોવા મળે છે. એક ઇફેક્ટિવ છે તો બીજું સોમેટિક બોડી છે. ઇફેક્ટિવમાં તેઓ ચીડિયાપણું, ગુસ્સો, એકલા રહેવું, ગભરાટ અને ઉદાસી વગેરે જોવા મળે છે જયારે સોમેટિક બોડીમાં પેટમાં દુખાવો, માથાનો દુખાવો, શરીરનો દુખાવો, સાંધાનો દુખાવો, વજન વધવું વગેરે લક્ષણો જોવા મળે છે.જો આ લક્ષણો ઉપર ધ્યાન ન આપ્યું તો આ સમયે છોકરીઓ અને મહિલાઓને ઘણી મુશ્કેલીઓનો સામનો કરવો પડે છે.
વધુ વાંચો: કેન્સરથી બચવું છે? તો આજથી તમારી લાઇફસ્ટાઇલમાં લાવો આ બદલાવ, જાણો સાયલન્ટ કિલરથી બચવાના ઉપાય
પહેલા પીરિયડ્સમાં આ વાતોનું ધ્યાન રાખો.
ડોક્ટર્સનાં જણાવ્યા મુજબ પીરિયડ્સનાં સમયે છોકરીઓને સ્કુલ-કોલેજમાં અને સ્ત્રીઓને જોબ કે ઘરના કામમાં મુશ્કેલીનો સામનો કરવો પડે છે. આ સમયે છોકરીઓ અને મહિલાઓ સારા વાતાવરણનો આનંદ લઇ શકતી નથી. પીરિયડ્સ દરમિયાન છોકરીઓ અને મહિલાઓ સાથે વાત કરવાની જરૂર છે અને જો શક્ય હોય તો, છોકરીઓના પ્રથમ પીરિયડ્સ દરમિયાન મમ્મીએ તેમના પર ધ્યાન આપવું જોઈએ અને તેમની સાથે આ વિશે વાત કરવી અને તેમને શરીરની આ સામાન્ય પ્રક્રિયા વિશે સમજાવવું જોઈએ.
