દરોડા / ફાર્મ હાઉસમાં દારૂના પેગ બની ગયા હતા ને ચિયર્સ કરે એ પહેલા પોલીસ ત્રાટકી, 26 નબીરા જેલના સળિયા પાછળ

• દારૂની મહેફિલ પર પોલીસના દરોડા
• અંકલાવ પોલીસે પાડ્યા હતા દરોડા
• વડોદરાના 26 નબીરાઓ ઝડપાયા

 ગુજરાતમાં દારૂ બંધી હોવા છતાં રોજ પોલીસ મથકે દારૂની મહેફિલ માણતા અથવા તો દારૂની હેરાફેરીનાં કેસ નોંધાતા હોય છે. આણંદનાં ભાણપુરા નજીક આવેલ ફાર્મ પર ગત રોજ પોલીસે દરોડો પાડ્યો હતો. ત્યારે પોલીસને બાતમી મળી હતી કે ફાર્મ હાઉસમાં દારૂની મહેફિલ ચાલી રહી છે. જે અનુસંધાને પોલીસે મોડી રાત્રે રેડ કરી હતી. જેમાં દારૂની મહેફિલ માણતા વડોદરાના 26 નબીરાઓ ઝડપાયા હતા. પોલીસે તમામની અટકાયત કરી કાયદેસરની કાર્યવાહિ હાથ ધરી છે. 

પોલીસે ગુનો નોંધી તપાસ હાથ ધરી
ત્યારે અંકલાવ પોલીસે રેડ કરી દારૂની મહેફિલ માણી રહેલા 26 નબીરાઓને ઝડપી પાડ્યા હતા. ત્યારે પોલીસે દારૂની બોટલો, ગાડી સહિત લાખ્ખોનો મુદ્દમાલ કબ્જે કર્યો હતો. અંકલાવ પોલીસે ગુનો નોંધી તપાસ હાથ ધરી છે. જેમાં તેઓ આ દારૂની બોટલો ક્યાંથી લાવ્યા તે તરફ પોલીસે તપાસ હાથ ધરી છે.