ન્યાય તોળો / 'એણે મને લમધારી નાખ્યો'તો..' કહી યુવકે કર્યો પેટ્રોલ પંપ પર જ આત્મદાહનો પ્રયાસ, પછી જે થયું તે...

• રાજકોટમાં યુવકનો ન્યાય માટે અગન દાહનો પ્રયાસ 
• પેરોલ પંપ પર યુવક જ્વલનશીલ પદાર્થ લઈને પહોચ્યો 
• સતર્કતાના કારણે જીવ બચ્યો,તો પોલીસે પકડ્યો  

રાજકોટના  રૈયા રોડ પર આવેલા એક  પેટ્રોલપંપ પર મોડી રાત્રે એક યુવકે શરીર પર જ્વલનશીલ પ્રવાહી છાંટી આત્મહત્યાનો પ્રયાસ કર્યો હતો. જો કે, યુવક દીવાસળી ચાંપે તે પહેલા કેટલાક લોકો દ્વારા  યુવકને બચાવી લેવાયો હતો. બચાવી લેવામાં આવેલા યુવકે આરોપ લગાવ્યો હતો કે, થોડા દિવસ પૂર્વે પેટ્રોલ પંપ કર્મીએ તેને માર માર્યો હતો. 

રાજકોટના રૈયા રોડ પર આવેલ ન્યારા પેટ્રોલપંપ ખાતે રાત્રીના સમયે મયુર સોંદરવા નામનાં  યુવકે પોતાના પર જ્વલંદશીલ પદાર્થ છાંટી આતામ્હ્ત્યા કરવાનો પ્રયાસ કર્યો હતો. આ સમયે પેટ્રોલપંપ પર  કામ કરતા કર્મચારીઓ અને અન્ય કેટલાક નાગરિકોએ   સતર્કતા દાખવવાના  કારણે યુવકનો જીવ બચી ગયો હતો. ઘટનાની   પોલીસને જાણ કરતા  પોલીસે સ્થળ પર પહોંચી યુવાનની અટકાયત કરી હતી અને કાયદેસરની કાર્યવાહી હાથ ધરી હતી.

કહેવાય છે કે, 15 દિવસ પૂર્વની આસપાસ યુવક પોતે અહીં પેટ્રોલ ભરાવવા આવ્યો હતો ત્યારે, કેટલાક કારણોસર પંપ કર્મી સાથે બોલાચાલી થઇ હતી. યુવકનો આરોપ છે કે, કર્મીએ તેને માર માર્યો હતો. આ અંગે પોલીસે કોઈ કાર્યવાહી ના કરતા ન્યાય મેળવવાના હેતુસર આ પગલું ભરાયું હતું