મનોરંજન / આ દિવસે રિલીઝ થશે 'આદિપુરુષ'નું ટ્રેલર, સામે આવી તારીખને લઇ સૌથી મોટી અપડૅટ

• ફિલ્મ 'આદિપુરુષ' રિલીઝ થવામાં હવે થોડા દિવસો બાકી
• આદિપુરુષ'ના ટ્રેલર વિશે એક નવું અપડેટ આવ્યું
• એક સાથે 70 દેશોમાં લોન્ચ થશે ટ્રેલર

પ્રભાસ, કૃતિ સેનન અને સૈફ અલી ખાન સ્ટારર ફિલ્મ 'આદિપુરુષ' રિલીઝ થવામાં હવે થોડા દિવસો બાકી છે. ફિલ્મ નિર્માતા ઓમ રાઉતની આગામી ફિલ્મ આદિપુરુષ માટે દર્શકોમાં ભારે ઉત્તેજના છે. પ્રભાસ સ્ટારર ફિલ્મ સાથે જોડાયેલા અલગ-અલગ ફોટા, વીડિયો અને ઓડિયો અત્યાર સુધીમાં વાયરલ થયા છે. 

'આદિપુરુષ'ના ટ્રેલર વિશે એક નવું અપડેટ આવ્યું છે. પ્રભાસ અને કૃતિ સેનનની ફિલ્મનું ટ્રેલર 9 મેના રોજ રિલીઝ થશે. ફિલ્મ 'આદિપુરુષ'નું ટ્રેલર દુનિયાભરના ડિજિટલ પ્લેટફોર્મ અને થિયેટરોમાં એક સાથે જોવા મળશે. કહેવામાં આવી રહ્યું છે કે ફિલ્મનું ટ્રેલર એક નવો ઈતિહાસ રચતું જોવા મળશે. 

આ ફિલ્મમાં પ્રભાસ ભગવાન રામની ભૂમિકા ભજવી રહ્યો છે. જ્યારે કૃતિ સેનન માતા સીતાના રોલમાં છે. સૈફ અલી ખાન આ ફિલ્મમાં લંકેશની ભૂમિકા ભજવી રહ્યો છે. ફિલ્ટીની ટીમે મેગા ટ્રેલર લોન્ચની જાહેરાત કરતા અભિનેતા પ્રભાસનું નવું પોસ્ટર પણ રિલીઝ કર્યું છે. ઓમ રાઉત દ્વારા નિર્દેશિત અને ભૂષણ કુમાર દ્વારા નિર્મિત આ ભવ્ય ફિલ્મ પહેલેથી એક મોટી ઉપલબ્ધિ હાંસલ કરી છે. જણાવી દઈએ કે ટ્રિબેકા ફેસ્ટિવલમાં તેના આંતરરાષ્ટ્રીય પ્રીમિયર માટે 'આદિપુરુષ'ની પસંદગી કરવામાં આવી છે. ફિલ્મના પોસ્ટરોએ દર્શકોની ઉત્સુકતા વધારી દીધી છે. 

ટ્રેલર 70 દેશોમાં લોન્ચ થશે 
આદિપુરુષના મેકર્સ ભવ્ય ટ્રેલર લોન્ચ માટે તૈયાર છે. તેને માત્ર એક જ નહીં પરંતુ 70 દેશોમાં લોન્ચ કરવામાં આવશે. ભારત ઉપરાંત, યુનાઇટેડ સ્ટેટ્સ, કેનેડા, મધ્ય પૂર્વ, ઓસ્ટ્રેલિયા, ન્યુઝીલેન્ડ અને એશિયા અને દક્ષિણ એશિયાના પ્રદેશો જેમ કે સિંગાપોર, ઇન્ડોનેશિયા, થાઇલેન્ડ, મલેશિયા, હોંગકોંગ, ફિલિપાઇન્સ, મ્યાનમાર, શ્રીલંકા, જાપાન; આફ્રિકા, બ્રિટન, યુરોપ, રશિયા, ઇજિપ્તમાં પણ દર્શકોને 'આદિપુરુષ'ના ટ્રેલરની વાર્તા જોવા મળશે. 

ગત વર્ષે ટીઝરમાં 'આદિપુરુષ'ની રિલીઝ ડેટ 12 જાન્યુઆરી જણાવવામાં આવી હતી, પરંતુ તેને 16 જૂન સુધી ટાળી દેવામાં આવી હતી. રિલીઝ થવામાં બે મહિનાથી પણ ઓછો સમય છે અને આવી સ્થિતિમાં મેકર્સ પાસે પ્રમોશન માટે પૂરો સમય છે. અહેવાલો અનુસાર, 'આદિપુરુષ'નું બજેટ 500 કરોડ રૂપિયાથી વધુ છે.