Rain Update: ગુજરાતમાં વરસાદના ત્રીજા રાઉન્ડની શરૂઆત થઈ ગઈ છે. હવામાન વિભાગના જણાવ્યા અનુસાર, ગુજરાતમાં આવતીકાલથી વરસાદનું જોર વધશે. 19થી 22 જુલાઈ વચ્ચે રાજ્યમાં ભારે વરસાદ થશે.
Share
ગુજરાતમાં વરસાદના ત્રીજા રાઉન્ડની શરૂઆત
આજે સમગ્ર રાજ્યમાં જામશે વરસાદી માહોલ
આવતીકાલથી ગુજરાતમાં વરસાદનું જોર વધશે
19થી 22 જુલાઈ વચ્ચે રાજ્યમાં ભારે વરસાદ થશે
રાજ્યમાં વરસાદનું જોર હળવું પડ્યું છે. અમદાવાદમાં દિવસ દરમિયાન ક્યાં વરસાદી ઝાપટાં પડી જાય છે, જોકે શહેરના નીચાણવાળા વિસ્તારોને જળબંબાકાર કરે તેવો ભારે વરસાદ પડતો ન હોઈ લોકોએ હાશકારો અનુભવ્યો છે, જોકે રાજ્યમાં આજથી વરસાદના ત્રીજા રાઉન્ડની શરૂઆત થઈ ગઈ છે. આ અઠવાડિયામાં રાજ્યમાં ભારેથી અતિભારે વરસાદ તૂટી પડશે તેવી આગાહી સ્થાનિક હવામાન વિભાગ દ્વારા કરવામાં આવી છે. હવામાન વિભાગના જણાવ્યા અનુસાર, આજે સમગ્ર રાજ્યમાં વરસાદી માહોલ જામશે. આજે ગુજરાતના કેટલાક વિસ્તારોમાં ભારેથી અતિભારે વરસાદની આગાહી કરવામાં આવી છે.
આજે આ વિસ્તારોમાં અતિભારે વરસાદની આગાહી
હવામાન વિભાગના જણાવ્યા અનુસારા, આજે નવસારી, વલસાડ, દમણમાં અતિભારે વરસાદની આગાહી છે. જ્યારે તાપી, ડાંગ, સુરત, નર્મદા, ભરૂચ, વડોદરા, છોટાઉદેપુર, દાહોદ, પંચમહાલ, ખેડા, આણંદ, અમદાવાદ, ભાવનગરમાં ભારે વરસાદની આગાહી છે.
આ જિલ્લાઓમાં ખાબકી શકે છે હળવો વરસાદ
આજે અમરેલી, જૂનાગઢ, ગીર સોમનાથ, અરવલ્લી, મહીસાગર, સાબરકાંઠા, મહેસાણા, ગાંધીનગર, બોટાદ, સુરેન્દ્રનગર, રાજકોટ, પોરબંદર, કચ્છ, બનાસકાંઠા, સારબકાંઠા, પાટણ, મોરબી, જામનગરમાં હળવાથી મધ્યમ વરસાદની આગાહી હવામાન વિભાગ દ્વારા કરવામાં આવી છે.
19 જુલાઈથી વધશે વરસાદનું જોર
19 જુલાઈના રોજ વલસાડ, તાપી, ડાંગ, સુરત, નવસારી, નર્મદા, ભરૂચ, વડોદરા, છોટાઉદેપુર, દાહોદ, પંચમહાલ, ખેડા, આણંદ, અમદાવાદ, ભાવનગર, અમરેલી, જૂનાગઢ, ગીર સોમનાથમાં વરસાદની આગાહી છે. આ ઉપરાંત અરવલ્લી, મહીસાગર, સાબરકાંઠા, મહેસાણા, ગાંધીનગર, બોટાદ, સુરેન્દ્રનગર, રાજકોટ, પોરબંદર, કચ્છ, બનાસકાંઠા, સારબકાંઠા, પાટણ, મોરબી, જામનગરમાં પણ વરસાદ ખાબકી શકે છે.
